Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 55:1-23

Gi a fesiman fu den sma di e prei pokusani di gersi harpu. Maskil.* Wan psalm fu David. 55  Mi Gado, mi e begi yu, poti prakseri na a begi fu mi.+ No tapu yu yesi te mi e begi yu fu du bun gi mi.+   Poti prakseri na mi èn piki mi.+ Fu di sani kon hebi gi mi srefisrefi, meki mi ati de na dyompo.+ Doronomo mi e broko mi ede,   Fu den sani ede di den feanti fu mi e taki èn fu a kwinsi di den ogri sma e kwinsi mi.+ Den e tan poti someni hebi na mi tapu fu pina mi+ Èn fu di den ati e bron nanga mi, meki den wani du mi ogri.+   Soso pen mi e firi na ini mi ati+ Èn mi frede dede.+   Mi frede, iya, mi e beifi.+ Mi heri skin e seki.   Doronomo mi e taki: „Mi winsi taki mi ben abi frei leki wan doifi!+ Dan mi ben o frei go tan na wan tra presi.+   Iya, mi ben o frei go farawe.+ Mi ben o go tan na ini a sabana.+Sela   Mi ben o lon go na wan kibripe Fu kibri gi a tranga winti, iya, gi a draiwinti.”+   Yehovah, mi e begi yu, bruya den, so taki den no man frustan makandra,+ Bika na soso ogridu nanga trobi mi si na ini a foto.+ 10  Dei nanga neti den e waka lontu na tapu den skotu fu a foto.+ Na soso ogri nanga problema de na ini a foto.+ 11  Ogri lai drape. Sma e tan kwinsi èn bedrigi trawan na a pren fu a foto.+ 12  A no wan feanti ben e gi mi porinen,+ Noso mi ben o man teki en. A no wan sma di no lobi mi kwetikweti ben e gi mi bigitaki,+ Noso mi ben kan go kibri gi en.+ 13  Ma na yu ben e du den sani disi, wan libisma leki mi,+ Wan sma di mi sabi èn di ben de mi mati.+ 14  Mi nanga yu ben de bun.+ Mi nanga yu ben gwenti waka go na ini na oso fu Gado, makandra nanga den ipi-ipi sma.+ 15  Meki den feanti fu mi kisi pori!+ Meki den saka go na ini Grebi* libilibi,+ Bika na a ten di den ben kon libi dyaso leki trakondre sma, na soso ogri den ben e prakseri.+ 16  Ma mi o bari kari Gado,+ Iya, na Yehovah srefi o frulusu mi.+ 17  Na netiyuru, na mamanten èn na brekten na broko mi e broko mi ede nomo èn mi e geme.+ A e yere mi sten.+ 18  A o frulusu mi èn a o kibri mi libi, te sma kon feti nanga mi,+ Bika den sma di kon feti nanga mi furu srefisrefi.+ 19  Gado di e sidon na tapu en kownusturu, soleki fa a ben e du ala ten kaba,+ O yere den èn a o strafu den.+Sela Iya, Gado o piki den sma di no wani kenki a fasi fu den+ Èn di no sori lespeki gi en.+ 20  A* go feti nanga sma di e libi bun nanga en.+ A broko a frubontu di a meki nanga mi.+ 21  Den wortu fu en mofo grati moro botro,+ Ma na soso feti a e prakseri.+ Den wortu fu en switi moro oli,+ Ma den na srapu feti-owru.+ 22  Trowe yu hebi na tapu Yehovah,+ Dan en srefi o horibaka gi yu.+ Noiti a o gi pasi taki wan reti-ati sma degedege.+ 23  Ma yu, mi Gado, o meki den ogriwan saka go na ini a moro dipi peti.+ Den wan di abi brudu-paiman nanga den bedrigiman no o doro afu fu den libi srefi.+ Ma mi, mi o frutrow na yu tapu.+

Futuwortu

Luku a marki na Ps 32, Ede.
Hebrew wortu: syeol. Luku „Moro sani”, nr. 10.
Kande a wortu „a” abi fu du nanga a sma di kari na ini vers 12-14 èn di ben de wan mati fosi fu a psalm skrifiman.