Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 54:1-7

Gi a fesiman fu den sma di e prei pokusani di gersi harpu. Maskil.* Wan singi fu David di a skrifi na a ten di den Sifsma ben go aksi Saul: „Yu no sabi taki David kon kibri na wi?”+ 54  Mi Gado, frulusu mi èn gi yu nen glori.+ Yu abi makti. Sobun, mi e begi yu, opo taki gi mi.+   Mi Gado, arki a begi fu mi.+ Poti prakseri na den sani di mi e taki nanga mi mofo,+   Fu di sma de di wani du mi ogri, aladi mi no sabi den. Ogri-ati sma e suku fu kiri mi.+ Den no poti prakseri na Gado.+ Sela.   Luku, Gado na mi yepiman.+ Yehovah de nanga den sma di e horibaka gi mi.   A o pai den feanti fu mi baka gi na ogri di den e du.+ Tapu den mofo, fu di yu e du ala ten san yu pramisi.+   Mi de klariklari fu tyari ofrandi gi yu.+ Yehovah, mi o prèise yu nen, bika dati na wan bun sani fu du.+   Ibri leisi baka a puru mi na nowtu.+ Nanga mi eigi ai mi si fa den feanti fu mi lasi a strei.+

Futuwortu

Luku a marki na Ps 32, Ede.