Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 53:1-6

Gi a fesiman fu den sma di e prei Mahalat-poku.+ Maskil.* Wan psalm fu David. 53  Den sma di no abi frustan taki na densrefi: „Yehovah no de.”+ Na soso ogri den du. Den tyari densrefi na wan tegu fasi èn den no du san reti.+ Nowan fu den e du bun.+   Gado de na hemel e luku libisma,+ Fu si efu sma de di abi a koni fu si sani krin, iya, fu si efu iniwan sma de di e suku Yehovah.+   Den alamala drai baka gi Gado. Den alamala kon kruka.+ Nowan fu den e du bun,+ Nôno, nowan fu den.   Fu san ede sma e du hati sani nanga trawan? Na sabi den no sabi san den e du?+ A gersi leki na nyan den e suku fu nyan mi pipel, neleki fa den nyan brede.+ Srefi begi den no begi Yehovah.+   Na a ten dati den kon frede srefisrefi,+ Aladi fosi, den no ben frede kwetikweti.+ Gado srefi o panyapanya den bonyo fu iniwan sma di wani du Israel ogri.+ Yu o meki den kisi syen, fu di Yehovah srefi drai baka gi den.+   Mi winsi taki a frulusu fu Israel ben kan komoto na Sion!+ Meki Yakob prisiri, iya, meki Israel breiti+ Te Yehovah tyari en pipel di ben de na ini katibo, kon baka.+

Futuwortu

Luku a marki na Ps 32, Ede.