Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 51:1-19

Gi a fesiman fu den pokuman. Wan singi fu David. A skrifi a singi disi na a ten di profeiti Natan ben kon na en, baka di David didon nanga Batseiba.+ 51  Gado, mi e begi yu, du bun gi mi, fu di yu na wan Gado di e sori sma bun-ati.+ Figi den sondu fu mi puru, fu di yu abi sari-ati pasa marki.+   Wasi mi krin fu den fowtu fu mi.+ Meki mi kon krin, so taki mi no abi sondu moro,+   Bika mi sabi sortu fowtu mi meki+ Èn doronomo a sondu fu mi de na mi fesi.+   Teige yu wawan mi sondu.+ Mi du sani di yu no feni bun,+ Sobun, a fasi fa yu e taki e sori taki yu na wan reti-ati sma+ Èn yu e koti krutu na wan soifri fasi.+   Luku, nanga sondu èn nanga furu pen mi mama meki mi.+ Mi ben abi sondu kaba, di mi bigin gro na ini mi mama bere.+   Luku, yu e prisiri te mi e taki sani nanga wan krin ati.+ Poti tru koni go dipi na ini mi ati.+   Puru mi sondu,* so taki mi kan de krin.+ Wasi mi, so taki mi kan kon krin dorodoro.+   Meki mi bari fu prisiri èn meki mi breiti pasa marki,+ So taki den bonyo di yu ben masi, kan prisiri baka.+   No luku den sondu fu mi+ Èn figi ala mi fowtu puru.+ 10  Gado, mi e begi yu, meki mi kon abi wan krin ati+ Èn meki mi kisi wan nyun denki, so taki mi no degedege.+ 11  Mi e begi yu fu no trowe mi komoto na yu fesi+ Èn fu no puru yu santa yeye na mi tapu.+ 12  Meki mi prisiri baka, neleki fa sma e prisiri te yu e frulusu den.+ Yepi mi, so taki mi kan de klariklari fu gi yesi na yu.+ 13  Mi o leri den sma di no e du san reti, den pasi fu yu,+ So taki sondari srefi kan drai kon baka na yu.+ 14  Mi Gado di e frulusu mi,+ mi e begi yu, no meki mi de na brudu-paiman+ moro, So taki mi tongo kan taki nanga prisiri fu den reti sani di yu e du.+ 15  Yehovah, mi e begi yu, opo mi mofo gi mi,+ So taki mi kan fruteri sma fu a glori fu yu,+ 16  Bika ofrandi no e plisi yu, noso mi ben o tyari den gi yu.+ Iya, yu no e prisiri nanga bron-ofrandi.+ 17  Den ofrandi di Gado e teki fu sma na den sani di den e du fu sori taki den e sari trutru.+ Mi Gado, yu no o tapu yu ai gi wan sma di firi brokosaka, noso gi wan sma di lasi-ati.+ 18  Mi e begi yu fu du bun gi Sion, fu di yu na wan bun Gado.+ Bow den skotu fu Yerusalem baka.+ 19  Dan fosi yu o prisiri nanga ofrandi di sma e tyari gi yu nanga wan reti ati.+ Iya, yu o prisiri nanga bron-ofrandi èn nanga tra ofrandi.+ Iya, dan fosi sma o bron mankaw leki ofrandi na tapu yu eigi altari.+

Futuwortu

Hebrewtongo: „Krin mi fu mi sondu nanga wan taki fu wan hisop-bon.”