Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 50:1-23

Wan singi fu Asaf.+ 50  A Gran Gado+ Yehovah+ srefi taki.+Fu owstusei te go miti west-sei,+A e kari den sma fu grontapu kon.+   Gado de na Sion, a foto di moi srefisrefi,+ èn fu drape a e meki en leti skèin.+   A Gado fu wi o kon èn a o du wan sani trutru.+Leti na en fesi wan bigi faya e bron+Èn na ala sei lontu en wan bun bigi winti e wai.+   A e bari kari hemel na tapu nanga grontapu,+So taki a kan krutu a pipel fu en.+ A e taki:   „Tyari den wan di tai hori na mi, kon makandra gi mi,+Den wan di e tyari wan ofrandi fu sori taki den o hori mi frubontu.”+   Hemel e fruteri taki Gado na wan Gado fu retidu,+Bika na Gado na Krutuman.+ Sela.   „Mi pipel, mi e begi unu, arki, dan mi o taki.+Israel, mi o kotoigi teige unu.+Mi na Gado, iya, un Gado.+   A no fu den srakti-ofrandi fu yu, meki mi e piri-ai gi yu,+Noso fu den bron-ofrandi di yu e tyari gi mi ala ten baka.+   Mi no o teki nowan mankaw puru na ini yu pen.+Mi no o teki nowan bokoboko puru na ini yu koi, 10  Bika ibriwan fu den busimeti na fu mi,+Iya, den meti na tapu ala den bergi.+ 11  Mi sabi ibri fowru di e libi na den bergi+Èn ala den meti di de na a sabana na fu mi.+ 12  Efu angri ben e kiri mi, mi no ben o taigi yu,Bika grontapu+ nanga ala sani di de na tapu na fu mi.+ 13  Na nyan mi musu nyan a meti fu fatu mankaw?+Na dringi mi musu dringi a brudu fu bokoboko?+ 14  Tyari ofrandi fu taki Gado tangi+Èn du san yu pramisi a Moro Heiwan.+ 15  A dei di yu de na nowtu, yu musu kari mi.+Mi o frulusu yu èn yu o gi mi glori.”+ 16  Ma Gado o taigi na ogri sma:+„Sortu reti yu abi fu fruteri sma fu den wèt fu mi?+Sortu reti yu abi fu taki fu a frubontu fu mi?+ 17  Na yu no ben wani arki mi te mi ben e piri-ai gi yu+Èn noiti yu e poti prakseri na san mi e taki.+ 18  Ala leisi te yu ben e si wan fufuruman, yu ben e agri nanga den sani di a ben e du.+Yu ben e waka nanga sma di e du sutadu.+ 19  Na soso ogri yu e taki nanga yu mofo.+Yu e taki sani fu bedrigi sma.+ 20  Yu e sidon nanga trawan e taki ogri fu yu eigi brada.+Fu yu eigi mama pikin, yu e fruteri ogri-ati lei.+ 21  Yu du den sani disi, ma toku mi tan tiri.+Yu ben prakseri taki mi ben o kon de leki yu.+Mi o piri-ai gi yu+ èn mi o tyari den fowtu fu yu kon na krin.+ 22  Unu di no e gi yesi na Gado moro, mi e begi unu, poti prakseri na a sani disi,+So taki mi no priti unu pisipisi, sondro taki wan sma de fu frulusu unu.+ 23  A srefi sma di e tyari ofrandi fu taigi mi tangi, e gi mi glori.+A sma di e hori wán pasi nomo,Mi o meki en si fa mi o frulusu en.”+

Futuwortu