Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 44:1-26

Gi a fesiman fu den pokuman. Wan psalm fu den bakapikin fu Korak.+ Maskil.* 44  Gado, nanga wi yesi wi yere fu yu. Den afo fu wi fruteri wi+ San yu du na ini a ten fu den,+ Iya, san yu du langa ten pasa kaba.+   Na yusrefi yagi den tra pipel+ Èn yu prani den afo fu wi na ini a kondre fu den pipel dati.+ Yu strafu den sma di ben de na ini a kondre èn yu yagi den gowe.+   A no nanga den eigi feti-owru den afo fu wi teki a kondre abra.+ A no fu di densrefi ben tranga so, meki den kon fri,+ Ma na fu di yu abi bigi makti, fu di yu tranga+ èn fu di yu e du bun. Yu du disi, fu di yu lobi den.+   Gado, yu na mi kownu.+ Gi a komando taki sma musu du bigi sani fu frulusu Yakob.+   Yu o yepi wi fu wini den feanti fu wi.+ Na ini yu nen wi o trapu den wan di e opo densrefi teige wi.+   Mi no frutrow na tapu a bo fu mi+ Èn mi feti-owru no ben o meki mi wini a strei.+   Ma na yu kibri wi gi wi feanti.+ Yu meki den sma di abi bita-ati gi wi, kisi syen.+   Heri dei wi o gi Gado glori+ Èn wi o prèise yu nen fu têgo.+ Sela.   Ma now yu gowe libi wi èn yu e tan gi wi syen.+ Yu no e hari go feti makandra nanga den legre fu wi.+ 10  Ibri leisi yu e meki wi lon gi den feanti fu wi+ Èn den sma di no lobi wi kwetikweti kon gudu, fu di den fufuru den sani fu wi tyari gowe.+ 11  Yu gi wi abra na den feanti fu wi, so taki den kan nyan wi neleki fa sma e nyan skapu.+ Yu panya wi go na ala sei fu grontapu.+ 12  Yu seri yu pipel sondro fu teki moni srefi.+ Di yu seri den, yu no kisi wini fu dati. 13  Yu meki wi tron sma di trawan e spotu.+ Ala sma di lontu wi e lafu wi èn den e wisiwasi wi.+ 14  Yu meki den sma fu den tra kondre koti odo gi wi.+ Den sma fu den tra kondre e seki den ede.+ 15  Heri dei mi e firi syen, Èn soso syen de na tapu mi fesi.+ 16  Na mi feanti nanga den sma di wani du mi ogri, e meki mi firi syen, Fu di den e taki sani fu wisiwasi mi èn fu di den e kosi mi.+ 17  Den sani disi pasa nanga wi, ma toku wi no frigiti yu+ Èn wi no broko a frubontu fu yu.+ 18  Wi ati no drai baka gi yu+ Èn noiti wi futu misi fu waka a pasi fu yu.+ 19  Ma yu meki wi lasi a strei na a presi pe den sabanadagu e kon na wán.+ Yu meki wi tan na wan presi di dungru pikapika.+ 20  Efu wi no e bari kari a nen fu wi Gado moro, Noso efu wi opo wi anu go na loktu fu begi wan tra gado,+ 21  Dan na Gado srefi o kon sabi disi,+ Bika a sabi ala sani di de na ini wi ati.+ 22  Ma na fu yu ede, meki ala ten baka sma kiri wi. Den si wi leki skapu di sma e tyari go srakti.+ 23  Mi e begi yu, opo. Yehovah, fu san ede yu e sribi ete?+ Mi e begi yu, wiki. No gowe libi wi fu têgo.+ 24  Fu san ede yu e tapu yu fesi gi wi? Fu san ede yu frigiti taki wi e pina èn taki sma e gens wi?+ 25  Sma meki wi fadon go na gron.+ Iya, wi fadon langalanga na gron. 26  Mi e begi yu, kon yepi wi,+ Frulusu wi, fu di yu na wan Gado di e sori sma bun-ati.+

Futuwortu

Luku a marki na Ps 32, Ede.