Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 42:1-11

Gi a fesiman fu den pokuman. Maskil.* Gi den bakapikin fu Korak.+ 42  Neleki fa wan dia e angri fu go dringi watra na den liba,Na so mi e angri fu dini yu, mi Gado.+   Mi e angri trutru fu Gado,+ iya, a libilibi Gado.+O ten mi o man kon na fesi Gado?+   Dei nanga neti mi e krei. Den watra-ai fu mi kon tron leki nyanyan gi mi.+Heri dei den feanti fu mi e aksi mi: „Pe a Gado fu yu de now?”+   Mi e sari te mi e memre den sani disi:+Fosi, mi ben gwenti waka dyaso nanga den ipi-ipi sma.Mi ben gwenti waka safrisafri na den fesi fu go na a oso fu Gado.+Iya, mi e memre ete fa wan bigi grupu sma ben e hori wan fesa+Èn fa den ben e bari fu prisiri èn ben e singi fu taki Gado tangi.+   Mi ati, fu san ede yu e firi so brokosaka+Èn fu san ede yu bruya so?+Wakti Gado,+Bika mi sabi taki wan ten o kon taki mi o prèise mi bigi frulusuman baka.+   Ke mi Gado, mi ati e firi so brokosaka.+Dati meki mi e prakseri yu,+Te mi de na a kondre pe Yordan-liba e lon, te mi de na a ede fu Hermon-bergi+Èn te mi de na tapu a pikin bergi.+   A wán dipi presi pe watra de, e kari a trawan.Dati na a babari fu a watra di e saka kon na ondro.Den bigi tranga skwala fu yu+Saka kon na mi tapu.+   Na deiten Yehovah o sori mi bun-ati+Èn na neti mi o singi fu en.+Mi o begi a Gado di e gi mi libi.+   Mi o taigi Gado, mi stonbergi:+„Fu san ede yu frigiti mi?+Fu san ede mi e sari taki den feanti fu mi e pina mi?”+ 10  Den feanti fu mi e spotu mi so te, taki a gersi leki den bonyo fu mi broko.+Heri dei den e aksi mi: „Pe a Gado fu yu de now?”+ 11  Mi ati, fu san ede yu e firi so brokosaka+Èn fu san ede yu bruya so?+Wakti Gado,+Bika mi sabi taki wan ten o kon taki mi o prèise mi bigi frulusuman, a Gado fu mi, baka.+

Futuwortu

Luku a marki na Ps 32, Ede.