Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 41:1-13

Gi a fesiman fu den pokuman. Wan singi fu David. 41  Koloku fu a sma di e yepi den mofinawan.+Yehovah o frulusu en te problema miti en.+   Yehovah srefi o kibri en èn a o hori en na libi.+Sma na grontapu o taki dati a de wan koloku sma.+Noiti yu o man gi en abra na den feanti fu en.+   Yehovah o yepi en te a e didon siki na tapu en bedi.+Yu o sorgu en te a de na en sikibedi.+   Ne mi taki: „Yehovah, mi e begi yu, du bun gi mi.+Meki mi firi bun baka, bika mi sondu teige yu.”+   Ma den feanti fu mi e taki soso ogri fu mi. Den e taki:+„O ten a o dede, so taki sma frigiti en?”   Te wan fu den feanti fu mi e kon luku mi, den no e taki nanga mi nanga wan krin ati.+Den e suku fu du hati sani nanga mi.Ma te den go na dorosei, dan den e fruteri sma ala sortu lei fu mi.+   Ala den sma di abi bita-ati gi mi, e taki mi tori.+Den e luku fa den kan du mi ogri. Den e taki:+   „Wan bigi ogri miti en.+Fa a didon siki na tapu en bedi now, a no o opo moro.”+   Srefi a bun mati fu mi di mi ben e frutrow,+Iya, a sma di ben e nyan mi nyanyan,+ e suku fu du mi ogri.+ 10  Yehovah, mi e begi yu, du bun gi mi èn meki mi opo,+So taki mi kan pai den baka.+ 11  No meki den feanti fu mi bari fu prisiri taki den wini mi.+Na so mi o sabi trutru taki yu feni mi bun. 12  Fu di mi gi yesi na yu, meki yu horibaka gi mi.+Yu o prisiri nanga mi fu ala ten.+ 13  Blesi fu Yehovah, a Gado fu Israel.+Meki a kisi blesi fu ala ten, iya, fu têgo.+Amen, iya, amen.+

Futuwortu