Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 40:1-17

Gi a fesiman fu den pokuman. Wan psalm fu David, wan singi. 40  Nanga mi heri ati mi ben e howpu na tapu Yehovah.+ Dati meki a ben poti yesi arki mi èn a yere fa mi ben e bari suku yepi.+   Baka dati a puru mi na ini wan peti pe yu ben kan yere a babari fu watra.+ A puru mi na ini a fisti tokotoko di ben de na ondrosei fu a peti.+ Dan a poti mi tanapu na tapu wan stonbergi.+ A meki taki mi no ben e degedege moro.+   Baka dati a meki mi singi wan nyun singi, Wan prèisesingi gi a Gado fu wi.+ Furu sma o si san Gado du èn den o kisi bigi lespeki gi en.+ Den o frutrow na tapu Yehovah.+   Koloku fu a sma di e frutrow na tapu Yehovah+ Èn di no e moksi nanga den heimemre sma, Noso den sma di e bribi lei.+   Yehovah mi Gado, yu du furu sani.+ Iya, yu du kefalek moi sani gi wi èn ala ten baka yu e prakseri wi.+ Nowan sma de leki yu.+ Awinsi mi ben sa wani fruteri sma fu ala den sani di yu du, Toku mi no ben o man, bika den furu so te, taki mi no man teri den.+   Yu no ben prisiri nanga srakti-ofrandi, noso nanga tra sortu ofrandi.+ Yu opo mi yesi, so taki mi ben kan yere yu.+ Yu no ben wani bron-ofrandi, noso sondu-ofrandi.+   Dati meki mi taki: „We, mi dya.+ Na ini a bukulolo den skrifi fu mi.+   Gado, mi prisiri fu du yu wani.+ A wèt fu yu de na ini mi ati.+   Na mindri a bigi grupu di kon makandra, mi fruteri fu a bun nyunsu di e taki fu a retidu fu yu.+ Iya, mi no e hori mi mofo.+ Yehovah, yu sabi dati heri bun.+ 10  Yu na wan Gado fu retidu èn mi no kibri dati gi sma.+ Mi fruteri ala sma taki yu e du san yu pramisi èn taki yu e frulusu wi.+ Na fesi a bigi grupu di kon makandra, mi fruteri taki yu e sori sma bun-ati èn taki yu e taki soso tru tori.”+ 11  Yehovah, mi e begi yu, tan abi sari-ati nanga mi.+ Mi e begi yu fu tan sori mi bun-ati èn fu horibaka gi mi ala ten, so taki mi kan feni kibri,+ 12  Bika den problema fu mi ben furu so te, taki te fu kaba mi no ben man teri den moro.+ Mi ben abi so furu sondu, taki mi no ben man teri den.+ Mi ben abi moro sondu leki den wiwiri na mi ede.+ Te fu kaba mi ben kon lasi-ati.+ 13  Yehovah, mi e begi yu, du mi wan bun èn frulusu mi.+ Yehovah, mi e begi yu, kon yepi mi esi-esi.+ 14  Meki ala den sma di e suku fu kiri mi,+ Kisi syen. Broko den saka.+ Meki den sma di e prisiri te ogri e miti mi, drai gowe baka. Meki den fesi fadon.+ 15  Meki den sma di e taki: „Ai! Kisi en moi!”,+ Bruya èn meki den fruwondru, fu di den fesi fadon.+ 16  Meki ala sma di e suku yu,+ Kon breiti, iya, meki den prisiri nanga yu.+ Meki den sma di angri fu yu frulusu den,+ Taki ala ten baka: „Meki Yehovah kisi glori.”+ 17  Mi na wan mofina sma èn mi pôti.+ Yehovah srefi e poti prakseri na mi.+ Na yu e yepi mi èn yu na mi Frulusuman.+ Mi Gado, mi e begi yu, no kon tumusi lati.+

Futuwortu