Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 35:1-28

Wan psalm fu David. 35  Yehovah, mi e begi yu, opo taki gi mi na fesi den wan di e gens mi.+Feti nanga den sma di e feti nanga mi.+   Teki a pikin skelt nanga a bigi skelt.+Mi e begi yu, kon yepi mi.+   Grabu yu lansri nanga yu aksi fu feti nanga den wan di e hari kon na mi baka.+Taigi mi: „Mi o frulusu yu.”+   Meki den sma di e onti mi, kisi syen. Broko den saka.+Meki den sma di e seti sani fu du mi ogri, drai gowe. Meki den fesi fadon.+   Meki den kon de leki aleisibuba di winti e wai gowe+Èn meki na engel fu Yehovah yagi den gowe.+   Meki a pasi fu den kon tron wan dungru presi pe sma kan grati fadon+Èn meki na engel fu Yehovah hari go na den baka.   Mi no du noti. Toku den diki wan olo gi mi, dan den tapu en nanga wan nèt.+Mi no du noti. Toku den diki na olo disi fu mi fadon go na ini.+   Meki ogri miti den, fosi den kisi densrefi.+Meki a srefi nèt di den seti gi mi, fanga den.+Iya, meki den kisi bigi mankeri te den fadon go na ini a nèt dati.+   Ma meki mi prisiri nanga Yehovah.+Meki mi prisiri, fu di na en frulusu mi.+ 10  Nanga mi heri ati mi o taki:+„Yehovah, suma de leki yu?+Na yu e frulusu den mofinawan puru na ini na anu fu den sma di tranga moro den+Èn na yu e kibri den mofinawan nanga den pôtiwan gi den sma di e pina den.”+ 11  Ogri-ati kotoigi e opo kon.+Den e aksi mi sani di mi no sabi.+ 12  Den e pai mi ogri fu bun.+Den meki taki mi e sari. Mi e firi neleki wan sma fu mi dede.+ 13  Te den ben e siki, mi ben e weri krosi di sma gwenti weri te den e sari.+Wan heri pisi ten mi ben e tan sondro fu nyan.*+Den begi fu mi ben e drai kon baka na mi sondro bun bakapisi.+ 14  Mi ben e broko mi ede nanga mi mati, neleki na mi eigi brada.+Mi ben e waka lontu leki wan sma di e row, fu di mama kon dede.+Nanga sari mi boigi mi ede. 15  Di den si fa mi e tingatinga, den ben e prisiri èn den kon makandra.+Iya, den kon makandra fu luku fa den ben kan du mi ogri.+Sondro fu mi sabi, den kon makandra fu du mi ogri.+Den tan taki ogri-ati lei fu mi.+ 16  Den ogri sma di ben de klariklari fu spotu mi fu kan feni wan pisi kuku,+Ben e kaw tifi, fu di den ati ben e bron nanga mi.+ 17  Yehovah, o langa yu o tan luku san den e du?+Frulusu mi fu den ogri di den e du nanga mi.+Iya, frulusu a warti libi fu mi puru na a mofo fu den yongu lew.+ 18  Mi o prèise yu na mindri ala den sma di kon makandra.+Te mi de na mindri furu sma, mi o prèise yu.+ 19  Sma kon tron mi feanti sondro fu mi du den wan sani. Ma no meki den prisiri te ogri miti mi.+Mi no du noti, ma toku sma de di no lobi mi kwetikweti. No meki den spotu mi.+ 20  Den no e taki switi nanga sma.+A wan-enkri sani di den abi na prakseriNa fu taki lei fu den sma di no e suku trobi.+ 21  Den e bradi den mofo opo fu spotu mi.+Den e taki: „Ai! Kisi en moi! Nanga wi eigi ai wi si san pasa.”+ 22  Yehovah, yu si tu san pasa.+ Sobun, mi e begi yu, no tan tiri.+Yehovah, mi e begi yu, no tan farawe fu mi.+ 23  Mi e begi yu, opo! Wiki èn koti krutu gi mi.+Ke Yehovah mi Gado, krutu a tori fu mi na wan reti fasi.+ 24  Yehovah mi Gado, mi e begi yu, koti krutu gi mi na wan reti fasi, fu di yu na wan Gado fu retidu.+No meki den prisiri fu na ogri di miti mi.+ 25  Mi e begi yu fu no meki den taki: „Ai, na disi wi ben wani!”+No meki den taki: „Wi swari en.”+ 26  Sma de di breiti taki ogri miti mi.+Meki den alamala kisi syen. Meki den fesi fadon.+Sma de di e denki taki den bun moro mi.+ Meki den kisi syen.+ Broko den saka. 27  Meki den wan di e prisiri taki mi e du san reti, bari fu prisiri èn meki den breiti srefisrefi.+Doronomo den musu taki:+„Meki Yehovah kisi glori, bika a breiti te sani e waka bun nanga den futuboi fu en.”+ 28  Nanga wan safri sten mi wani taki fu a retidu fu yu.+Heri dei mi o prèise yu.+

Futuwortu

Noso: „faste.” Luku „Moro sani”, nr. 24