Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 33:1-22

33  Un reti-ati sma, un bari fu prisiri fu den sani di Yehovah du.+ A fiti taki den krin-ati sma e gi en glori.+   Prei pikin harpu gi Yehovah fu taki en tangi.+ Meki poku gi en nanga bigi harpu.+   Singi wan nyun singi gi en.+ Prei na tapu den harpu nanga yu heri ati èn bari fu prisiri.+   Du disi, fu di den sani di Yehovah e taki, de tru.+ Yu kan frutrow ala den sani di a e du.+   A lobi retidu èn a lobi te sma e koti krutu na wan reti fasi.+ Na ala sei fu grontapu yu kan si taki Yehovah e sori sma bun-ati.+   Na taki Yehovah taki nomo, ne hemel kon de.+ Na bro a bro nomo, ne ala den sani na hemel kon de.+   A e poti wan dan fu hori a watra fu se na wán.+ A e a poti den krasi watra fu se na ini maksin.   Meki ala den sma fu grontapu frede Yehovah.+ Meki den sma di e libi na grontapu abi bigi lespeki gi en.+   San a taki, na dati pasa.+ A gi a komando èn san a taki kon de so.+ 10  Yehovah tapu den sma fu grontapu fu du san den abi na prakseri.+ A gens den pipel, so taki den no ben man du san den ben e denki fu du.+ 11  San Yehovah taki, na dati a e du ala ten.+ Ala ten a e du san a abi na prakseri.+ 12  Koloku fu den sma di abi Yehovah leki Gado.+ Iya, koloku fu a pipel di a teki leki a gudu fu en.+ 13  Yehovah luku komoto fu hemel+ Èn a si ala libisma.+ 14  Komoto fu a presi pe a e tan fu ala ten,+ A poti en prakseri na ala den sma di e libi na grontapu. 15  Gado e meki na ati fu libisma kon de leki fa en wani.+ A e luku ala den sani di den e du.+ 16  A no den bigi legre fu wan kownu e meki taki a e wini wan feti.+ A no a bigi krakti fu wan tranga man o frulusu en.+ 17  No kori yusrefi fu denki taki asi man tyari frulusu kon.+ Awinsi fa den tranga, toku den no man yepi sma.+ 18  Luku, Yehovah e poti prakseri na den sma di e lespeki en.+ A e poti prakseri na den wan di e wakti fu a sori den bun-ati.+ 19  A e poti prakseri na den fu den no dede+ Èn fu hori den na libi na ini angriten.+ 20  Nanga wi heri ati wi ben howpu na tapu Yehovah.+ En na wi yepiman èn a skelt fu wi.+ 21  Na en e meki wi ati prisiri.+ Wi poti wi frutrow na a santa nen fu en.+ 22  Ke Yehovah, wi tan wakti yu.+ Sobun, sori wi bun-ati.+

Futuwortu