Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 32:1-11

Wan psalm fu David. Maskil.* 32  Koloku fu a sma di kisi pardon, baka di a opo ensrefi teige Gado. Iya, koloku fu en, fu di Gado tapu den sondu fu en.+   Koloku fu a sma di Yehovah no krutu, baka di a meki fowtu.+ Koloku fu a sma di no e prakseri fu bedrigi trawan.+   Te mi no ben e taki fu den sondu fu mi, mi ben e geme heri dei, teleki mi no ben abi krakti moro.+   Dei nanga neti yu anu ben hebi na mi tapu.+ Ala mi krakti drei gowe leki watra na ini a waran pisi fu a yari.+ Sela.   Te fu kaba mi fruteri yu sortu sondu mi du èn mi no kibri den fowtu fu mi gi yu moro.+ Mi taki: „Mi o fruteri Yehovah den ogri di mi du.”+ Ne yu gi mi pardon fu den fowtu nanga den sondu fu mi.+ Sela.   Na fu dati ede ibriwan sma di e tai hori na yu o begi yu,+ Bika now sma kan feni yu ete.+ Te watra e suku fu sungu wan presi, dan noti no o pasa nanga a sma disi.+   Yu na wan kibripe gi mi. Yu o kibri mi te mi de na nowtu.+ Te yu frulusu mi, yu o lontu mi nanga prisiri babari.+ Sela.   Yu ben taki: „Mi o gi yu koni èn mi o sori yu a pasi di yu musu waka.+ Mi o gi yu rai èn mi o luku yu.+   No du leki wan asi, noso wan buriki* di no abi frustan.+ Den meti disi tranga-ede so te, taki soso te yu poti wan titei na den mofo yu man dwengi den.+ Na a fasi disi nomo den o kon na yu.”+ 10  Na ogriwan abi furu problema,+ Ma te wan sma e frutrow na tapu Yehovah, dan a o sori a sma disi bun-ati.+ 11  Un reti-ati sma, prisiri nanga Yehovah èn breiti srefisrefi.+ Bari fu prisiri, ala un krin-ati sma.+

Futuwortu

A kan taki a Hebrew wortu disi wani taki: „wan puwema di e meki yu prakseri dipi fu sani.”
Luku a marki na 2Sa 13:29.