Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 30:1-12

Wan singi di David singi na a ten di a gi na oso abra na Gado.+ Wan psalm fu David. 30  Mi o prèise yu, Yehovah, bika yu frulusu mi+ Èn yu no gi pasi taki mi feanti prisiri fu di mi ben e pina.+   Ke Yehovah mi Gado, na yu mi bari kari fu yepi mi èn yu yepi mi tu.+   Yehovah, na yu puru mi* na Grebi,* so taki mi tan libi.+ Na yu hori mi na libi, so taki mi no ben abi fu saka go na ini grebi-olo.+   Un singi prèisesingi gi Yehovah,+ un sma di tai hori na en. Prèise en gi a santa nen fu en di sma musu memre,+   Bika te Gado ati e bron nanga wan sma, dan dati na fu wan syatu pisi ten nomo,+ Ma te a lobi wan sma, dan dati na fu ala ten.+ Kande wan sma e bari krei heri neti,+ ma na mamanten a e bari fu prisiri baka.+   Di sani ben e waka bun gi mi, mi taki:+ „Noiti mi o naki futu.”+   Yehovah, na yu bun-ati meki taki yu poti mi bergi tanapu steifi.+ Di yu kibri yu fesi, mi bruya srefisrefi.+   Yehovah, na yu mi tan kari,+ Iya, na Yehovah mi tan begi fu a du bun gi mi.+   Sortu wini a o abi efu mi saka go na ini grebi-olo?+ A doti fu a gron o man prèise yu?+ A o man fruteri sma taki yu e taki soso tru tori?+ 10  Yehovah, mi e begi yu. Arki mi èn du bun gi mi.+ Yehovah, yepi mi.+ 11  Fosi, mi ben e sari, ma now yu meki mi dansi fu prisiri.+ Yu puru mi rowkrosi na mi skin èn doronomo yu e gi mi bigi prisiri.+ 12  Nanga mi heri ati* mi wani singi prèisesingi gi yu. Mi no wani tan pî.+ Yehovah mi Gado, na yu mi o prèise fu ala ten.+

Futuwortu

Luku „Moro sani”, nr. 8.
Hebrew wortu: syeol. Luku „Moro sani”, nr. 10.
Hebrewtongo: „glori.”