Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 25:1-22

Wan psalm fu David. א [Alef] 25  Ke Yehovah, na yu mi kon fu begi yu nanga mi heri ati.+ ב [Bet]   Mi Gado, na yu mi e frutrow.+Mi e begi yu fu no meki mi kisi syen.No meki den feanti fu mi prisiri, fu di mi de na nowtu.+ ג [Gimel]   Iya, nowan sma di e howpu na yu tapu o kisi syen.+Ma na den sma di wani du mi ogri o kisi syen, fu di den no o abi bun bakapisi.+ ד [Dalet]   Ke Yehovah, sori mi den pasi fu yu.+Leri mi fa fu waka den pasi fu yu.+ ה [He]   Meki mi waka a reti pasi fu yu èn gi mi leri,+Bika yu na a Gado di e frulusu mi.+ ו [Waw]Heri dei mi howpu na yu tapu.+ ז [Sayin]   Ke Yehovah, memre taki yu na wan Gado di abi sari-ati+ èn taki yu sori a pipel fu yu bun-ati ala ten,+Bika yu ben sori sari-ati nanga bun-ati sensi owruten.+ ח [Ket]   No memre den sondu di mi du, noso den fowtu di mi meki di mi ben yongu.+Mi e begi yu fu memre mi, fu di yu na wan sma di e sori trawan bun-ati.+Iya, Yehovah, memre mi, fu di yu na wan bun Gado.+ ט [Tet]   Yehovah na wan bun Gado èn a e du sani na wan reti fasi.+Na fu dati ede a e leri den sondari fa fu waka a yoisti pasi.+ י [Yod]   A o meki den safri-ati sma waka soleki fa a wèt fu en e sori.+A o leri den safri-ati sma fa fu waka den pasi fu en.+ כ [Kaf] 10  Te sma du san Gado e taigi den fu du+ èn te den e hori a frubontu+ fu en,Dan ala ten Yehovah e du sani fu sori taki a lobi den èn taki a e tan horibaka gi den. ל [Lamed] 11  Ke Yehovah, prakseri a nen fu yu+Èn gi mi pardon fu den fowtu fu mi, awinsi den bigi srefisrefi.+ מ [Mem] 12  Suma na a sma di abi bigi lespeki gi Yehovah?+Gado o sori a sma dati sortu pasi a musu waka.+ נ [Nun] 13  A o si san bun+Èn den bakapikin fu en o libi na grontapu fu ala ten.+ ס [Samek] 14  Na den wan di abi bigi lespeki gi Yehovah kan de bun mati fu en.+Na den a gi a frubontu fu en, fu di a wani taki den musu sabi a frubontu dati.+ ע [Ayin] 15  Doronomo mi e suku yepi na Yehovah,+Bika na en puru mi futu na ini a nèt.+ פ [Pe] 16  Poti prakseri na mi èn du bun gi mi,+Fu di mi de mi wawan èn mi e pina.+ צ [Tsade] 17  Doronomo mi ati de na dyompo.+Mi e begi yu, puru mi na ini den banawtu disi.+ ר [Resj] 18  Poti prakseri na den banawtu nanga den problema fu mi+Èn gi mi pardon fu ala mi sondu.+ 19  Luku omeni feanti mi abi now.+Den abi so furu bita-ati gi mi, taki den wani du mi ogri.+ ש [Syin] 20  Mi e begi yu fu kibri mi èn fu frulusu mi.+Mi suku kibri na yu. Sobun, no meki mi kisi syen.+ ת [Taw] 21  Meki retidu nanga wan krin ati kibri mi,+Fu di mi frutrow na yu tapu.+ 22  Mi Gado, mi e begi yu, puru Israel na ini ala den nowtu fu en.+

Futuwortu