Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 24:1-10

Wan singi fu David. 24  Na Yehovah abi a grontapu nanga den sani di de na tapu,+A doti fu grontapu nanga ala den sma di e libi drape.+   A poti a fondamenti fu grontapu steifi na tapu den se+Èn a e meki taki a fondamenti tan steifi na tapu den liba.+   Suma kan kren go na tapu a bergi fu Yehovah?+Suma kan opo go na a santa presi fu en?+   Na a sma di no du ogri èn di e du sani nanga wan krin ati,+A sma di no si mi libi* leki wan sani di no warti noti+Èn di no e meki sweri fu kori trawan.+   Yehovah o blesi a sma dati.+A Gado di e frulusu en, o tan si en leki wan reti-ati sma.+   Disi na den sma di wani dini Gado.Den na den wan di e du sani, so taki yu kan feni den bun, iya, yu di de a Gado fu Yakob.+ Sela.   „Un portu, un opo un ede go na loktu.+Un doro di de someni langa kaba, un kon moro hei.+Meki a Kownu di abi bigi glori kon na inisei!”+   „Ma dan suma na a Kownu disi di abi bigi glori?”+„En na Yehovah, a tranga èn makti Gado.+Yehovah e wini ala feti.”+   „Un portu, un opo un ede go na loktu.+Iya, opo un ede go na loktu, un doro di de someni langa kaba.Meki a Kownu di abi bigi glori kon na inisei!”+ 10  „Ma dan suma na a Kownu disi di abi bigi glori?”„En na Yehovah di e tiri den legre, iya, en na a Kownu di abi so bigi glori.”+ Sela.

Futuwortu

Luku „Moro sani”, nr. 8.