Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 2:1-12

2  Fu san ede den pipel fu grontapu meki so furu dyugudyugu+Èn fu san ede den sma fu den difrenti kondre fu grontapu tan krutukrutu fu wan lawlaw sani?+   Den kownu fu grontapu na gensman+Èn den heihei man kon makandra leki wán man+Fu gens Yehovah+ nanga en salfuwan.+   Den e taki: „Kon meki wi hari den banti fu den koti.+Meki wi trowe den titei fu den farawe fu wi!”+   A sma di e sidon na ini hemel+ o lafu.Yehovah srefi o spotu den.+   Na a ten dati a o taki nanga den nanga atibron.+Fu di a mandi srefisrefi, meki a o bruya den.+   A o taki: „Na mi, iya, na mi srefi poti a kownu fu mi+Fu tiri na tapu Sion,+ a santa bergi fu mi.”+   Mi o fruteri san Yehovah ben taki.A ben taigi mi: „Yu na mi manpikin.+Tide mi tron yu papa.+   Aksi mi+ fu gi yu den kondre fu grontapu leki gudu+Èn fu gi yu heri grontapu, so taki a kan de fu yu.+   Yu o masi den tiriman fu den kondre disi finifini nanga wan isri kownutiki.+Yu o naki den broko pisipisi, neleki den na wan prapi fu wan patu-bakriman.”+ 10  Sobun, un kownu, waka nanga koni.Un krutuman fu grontapu, un teki leri.+ 11  Dini Yehovah èn sori bigi lespeki gi en.+Abi prisiri èn gi en furu grani.+ 12  Bosi a manpikin,+ so taki Gado no kisi atibronÈn taki a no wai unu puru na a reti pasi,+Bika en ati e bron esi.+Koloku fu den sma di e suku kibri na en.+

Futuwortu