Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 19:1-14

Gi a fesiman fu den pokuman. Wan singi fu David. 19  Hemel e taki fu a glori fu Gado.+A loktu e fruteri fu ala den sani di en anu meki.+   Ibri dei den e fruteri wi wan sani+Èn ibri neti den e meki wi kon sabi sani fu en.+   Den no abi mofo fu taki èn nowan wortu no de fu yere.Sma no man yere den sten.+   Ma toku sma kan yere a boskopu fu den na ala sei fu grontapu.+Te na den moro farawe presi fu grontapu sma kan yere san den abi fu taki.+Drape na ini hemel Gado seti wan tenti gi a son.+   A son de leki wan trowmasra di e brenki te a e komoto na ini en sribikamra.+A de leki wan tranga man di e prisiri fu lon wan streilon.+   A e opo komoto na a wan sei fu hemelFu saka gowe te na a tra sei.+Nowan sani kan kibri gi a faya fu en.+   A wèt+ fu Yehovah bun dorodoro,+ a e gi sma krakti baka.*+Den warskow+ fu Yehovah na sani di yu kan frutrow.+ Den e meki a sma sondro ondrofeni kisi koni.+   Den sani di Yehovah e taigi wi fu du,+ de reti.+ Den e meki na ati prisiri.+Den komando+ fu Yehovah bun.+ Den e meki na ai brenki.+   A bigi lespeki+ di sma abi gi Yehovah de soifri. A e tan fu têgo.Den krutubosroiti+ fu Yehovah de tru.+ Den reti dorodoro.+ 10  Den warti moro leki gowtu, iya, moro leki bun furu soifri gowtu.+Den switi moro leki oni,+ iya, moro leki a moro soifri oni.+ 11  Den de leki warskow gi yu eigi futuboi.+Te a e gi yesi na den, dan a e kisi furu blesi.+ 12  Suma kan si en eigi fowtu?+Sobun, gi mi pardon fu den sondu di mi du sondro fu mi sabi taki mi du den.+ 13  Yepi yu futuboi fu no abi heimemre, so taki a no go du sani di no bun.+No meki heimemre tron mi basi.+Na so mi o tron wan reti-ati sma.+Mi no sa de wan sma di e du wan lo sondu. 14  Meki den sani di mi e taki nanga mi mofo nanga den sani di mi e prakseri dipi na ini mi ati,+Kon de sani di yu feni bun. Yehovah, yu na mi Stonbergi.+ Yu na mi Frulusuman.*+

Futuwortu

Noso: „tyari a sma kon baka.”
Noso: „a sma di e bai mi baka.”