Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 17:1-15

Wan begi fu David. 17  Yehovah, arki mi te mi e begi yu nanga wan reti ati. Poti prakseri na den fayafaya begi fu mi.+Mi e begi yu, arki a begi fu mi, te mi mofo e taki sani sondro fu bedrigi yu.+   Mi e begi yu fu koti krutu gi mi na wan reti fasi.+Meki yu ai si san reti.+   Yu ondrosuku mi ati, iya, na netiyuru yu kon luku san mi e du.+Yu meki mi kon krin.* Yu o si taki mi no prakseri fu go du ogri.+Mi no o taki ogri sani nanga mi mofo.+   Mi sorgu taki mi no du san den ogri sma e du.Iya, mi du san yu taigi mi fu du. Mi sorgu taki mi no waka a pasi fu den fufuruman.+   Meki mi futu tan waka a pasi fu yu,+So taki mi no naki futu.+   Mi Gado, na yu mi e begi fu yepi mi, fu di mi sabi taki yu o piki mi.+Poti yesi arki mi. Arki san mi e taki.+   Sma de di e opo densrefi teige a makti fu yu èn den wan di e lowe gi den, e kon suku kibri na yu.+Frulusuman fu den sma disi, mi e begi yu, du bigi sani fu sori a bun-ati fu yu.+   Kibri mi leki a popki fu yu ai.+Iya, kibri mi na ondro den frei fu yu,+   Fu di den ogri sma kwinsi mi.Den feanti di e suku fu du mi ogri, e lontu mi.+ 10  Den ati kon tranga.*+Den gi sma bigitaki.+ 11  Ala sei pe wi e go, den feanti fu wi e lontu wi.+Den e luku efu den kan feni wan fasi fu trowe wi na gron.+ 12  Den e tyari densrefi leki wan lew di e angri fu priti wan meti pisipisi,+Neleki fa wan yongu lew didon na en kibripe e luru fu kisi wan meti. 13  Ke Yehovah, mi e begi yu, opo go feti nanga den.+Wini den. Teki yu feti-owru, dan yu frulusu mi fu na ogriwan.+ 14  Iya, Yehovah, gebroiki yu tranga anu fu frulusu mi fu den libisma.+Frulusu mi fu den sma fu a grontapu+ disi di e prakseri nomo san den kan kisi na ini a libi disi.+Yu e furu den bere fu den nanga den bun sani di yu kibri na ini yu maksin.+Den abi furu manpikin+Èn den gudu fu den di tan abra, na dati den e poti na wan sei gi den pikin fu den.+ 15  Ma mi fu mi sei, o tyari misrefi na wan reti fasi te mi kon na yu fesi.+Te mi wiki baka mi o breiti fu si yu.+

Futuwortu

A Hebrew wortu di vertaal dyaso nanga „krin” wani taki dati sma e smèlter sani leki isri noso gowtu fu krin den.
Hebrewtongo: „den tapu densrefi lontu nanga fatu.”