Go na content

Go na table of contents

Yehovah Kotoigi

Tongo Sranantongo

Psalm 147:1-20

147  Prèise Yah, un pipel,+Bika a bun fu singi prèisesingi gi wi Gado.+A e gi wi prisiri, iya, a fiti fu prèise en.+   Yehovah e bow Yerusalem.+Den sma fu Israel di ben panya go na ala sei, a e tyari kon na wán.+   A e dresi+ den sma di brokosaka+Èn a e tai den soro di e hati den.+   A e teri den stari.+A e kari den alamala na den nen.+   A Masra fu wi bigi èn a abi bun furu krakti.+A abi koni* pasa marki.+   Yehovah e frulusu den safri-ati sma.+Ma a e meki den ogri sma saka te na gron.+   Un pipel, un piki Yehovah nanga singi fu taki en tangi.+Un prei harpu fu prèise a Gado fu wi.+   En na a sma di e tapu a loktu nanga wolku,+A sma di e sorgu taki alen e fadon na grontapu,+A sma di e meki grasi gro na tapu den bergi.+   A e gi nyanyan na den meti,+Sosrefi na den yongu blaka fowru di e bari, fu di angri e kiri den.+ 10  Gado no e si a krakti fu asi leki wan bigi sani.+A no a gaw di wan sma futu gaw e gi en prisiri.+ 11  Ma Yehovah e prisiri nanga den sma di abi lespeki gi en,+Iya, nanga den wan di sabi taki a o sori den bun-ati.+ 12  Yerusalem, gi Yehovah glori.+Sion, prèise yu Gado,+ 13  Fu di a meki den greni fu den portu fu yu kon tranga.+A blesi den manpikin fu yu. 14  A e sorgu taki freide de na ini a kontren fu yu.+A moro bun aleisi a e gi yu fu yu nyan yu bere furu.+ 15  A gi grontapu komando.+A boskopu fu en e waka esi. 16  A e meki snew fadon neleki skapu-wiwiri.+A e trowe finifini ijs neleki asisi.+ 17  A trowe na ijs fu en, neleki a sakasaka fu brede.+Suma kan teki a kowru fu en?+ 18  Te a e gi komando,+ na ijs e smèlter.A e meki a winti fu en wai.+Watra e bigin dropu. 19  A e fruteri Yakob san a musu du.+A e gi Israel den markitiki+ nanga den wèt fu en.+ 20  Gi nowan tra pipel a du disi.+Nowan tra pipel kon sabi den wèt fu en.+Prèise Yah, un pipel!+

Futuwortu

Noso: „frustan.”