Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 143:1-12

Wan singi fu David. 143  Yehovah, arki a begi fu mi.+Poti yesi arki a fayafaya begi fu mi.+Yu na wan Gado fu retidu èn yu e du ala ten san yu pramisi.+ Sobun, piki mi.   No kari a futuboi fu yu kon na fesi krutu,+Bika na yu fesi nowan libisma kan du san reti dorodoro.+   Mi feanti suku fu kiri mi.+A trowe mi na gron fu trapu mi kiri.+A meki mi tan na dungru presi, leki den wan di dede langa ten kaba.+   Mi lasi-ati srefisrefi.+Mi ati kon lasi ala firi.+   Doronomo mi e memre owruten.+Mi denki dipi fu ala den sani di yu du.+Mi ondrosuku den sani di yu meki nanga yu eigi anu.+   Mi opo mi anu go na loktu fu begi yu.+Mi kon de leki wan drei kontren di e angri fu yu.+ Sela.   Yehovah, mi e begi yu, esi-esi, piki mi.+Mi no abi krakti moro.+No kibri yu fesi gi mi,+Noso mi o tron leki den sma di de fu saka go na ini grebi-olo.+   Meki mi yere fu a bun-ati fu yu na mamanten,+Bika na yu mi e frutrow.+Sori mi a pasi di mi musu waka,+Bika mi gi mi libi abra na yu.+   Yehovah, mi e begi yu, frulusu mi puru na a anu fu den feanti fu mi.+Na yu mi lon kon suku kibri.+ 10  Leri mi fu du yu wani,+Bika yu na mi Gado.+Na soso bun a yeye fu yu e du gi mi.+Meki a tyari mi go na ini a kondre fu den reti-ati sma.+ 11  Yehovah, mi e begi yu, hori mi na libi+ fu gi yu nen glori.+Yu na wan Gado fu retidu.+ Sobun, mi e begi yu, puru mi na nowtu.+ 12  Tapu a mofo fu den feanti fu mi, fu di yu na wan Gado di e sori sma bun-ati.+Mi na yu futuboi.+Sobun, pori ala den sma di wani du mi ogri.+

Futuwortu