Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 137:1-9

137  Na sei den liba fu Babilon+ wi ben e sidon.+ Wi bigin krei tu di wi prakseri Sion.+   Na den populier-bon+ di ben de drape, Wi anga den harpu fu wi.+   Na drape wi ben de di den sma di ben e hori wi na ini katibo aksi wi fu singi gi den.+ Den wan di ben e spotu wi, aksi wi fu singi gi den fu meki den firi prisiri.+ Den ben taki: „Un singi wan fu den singi fu Sion gi unu.”+   Fa wi kan singi a singi fu Yehovah+ Na ini wan tra kondre?+   Yerusalem, moro betre mi frigiti fa fu prei harpu,+ Na presi taki mi frigiti yu.   Efu mi ben o frigiti yu,+ Iya, efu mi no ben o si Yerusalem Leki a moro prenspari sani di musu gi mi prisiri,+ Dan moro betre mi tongo fasi na a tapusei fu mi inimofo.+   Yehovah, mi e begi yu, memre+ san den Edomsma+ du na a dei di Yerusalem fadon.+ Den ben taki: „Broko a foto! Broko en te na gron!”+   Yu foto fu Babilon di sma o pori,+ Koloku fu a sma di o pai yu baka+ Nanga den srefi sani di yu du nanga wi.+   Koloku fu a sma di o grabu den pikin fu yu+ Èn di o naki den panya na wan bigi ston.

Futuwortu