Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 13:1-6

Gi a fesiman fu den pokuman. Wan singi fu David. 13  Ke Yehovah, o langa yu o tan frigiti mi?+ Fu ala ten?+ O langa yu o tapu yu fesi gi mi?+   O langa mi musu tan pina na a fasi disi? O langa ete den dei fu mi o furu nanga sari?+ O langa mi feanti o basi mi?   Mi e begi yu fu luku mi. Ke Yehovah mi Gado, piki mi. Mi e begi yu, meki mi ai brenki,+ so taki mi no dede.+   Mi feanti no musu man taki: „Ai, mi wini en!” Mi no wani fadon, fu di efu mi fadon den feanti fu mi o prisiri.+   Mi sabi taki yu o sori mi bun-ati.+ Meki mi ati prisiri, fu di yu frulusu mi.+   Mi o singi gi Yehovah, fu di a blesi mi.+

Futuwortu