Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 12:1-8

Gi a fesiman fu den sma di e prei pokusani di seti fu prei lagi.+ Wan singi fu David. 12  Ke Yehovah, mi e begi yu, frulusu mi,+ bika den sma di e tai hori na yu no de moro.+Iya, den sma di e gi yesi na yu no de moro na mindri libisma.   Na soso lei den sma e fruteri makandra.+Den tongo grati.+ Te den e taki sani, dan na hoigri den e hoigri.*   Yehovah o koti a mofo puru fu den sma di tongo grati.A o koti a mofo puru fu den sma di e meki bigi.+   Iya, den e taki: „Wi sabi taki bun. Dati meki sma no o man du wi noti.+Wi abi mofo fu taki. Dan suma o man tapu wi fu du san wi wani du?”   „Sma fufuru sani fu den mofinawan tyari gowe èn den pôti sma e geme.+Dati meki mi o opo du wan sani now”, na so Yehovah taki.+„Mi o kibri den mofinawan gi iniwan sma di e wisiwasi den.”+   Den sani di Yehovah e taki, de soifri,+Leki solfru di sma meki kon soifri, fu di den bron en seibi tron na ini wan onfu di meki na ini a gron.   Yehovah, na yu o luku fu den mofinawan.+Yu o kibri ibriwan fu den, so taki den ogri sma fu a ten disi no sa pina den noiti moro.   Den ogriwan e waka go pe den wani,Bika libisma lobi du kruktu sani.+

Futuwortu

Noso: „den abi wan dobru ati.”