Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 11:1-7

Gi a fesiman fu den pokuman. Wan psalm fu David. 11  Na Yehovah mi lon go suku kibri.+ Fa unu kan prefuru fu taigi mi: „Leki wan fowru yu musu lowe go esi-esi na a bergi fu unu!+   Luku, den ogriwan e span den bo fu den.+ Den e poti den peiri fu den na a titei fu den bo. Komoto na wan dungru presi den e sutu go na tapu den reti-ati sma.+   San den reti-ati sma musu du, Te a libimakandra no abi retidu leki fondamenti moro?”+   Yehovah de na ini a santa tempel fu en.+ Na ini hemel a kownusturu fu Yehovah de.+ En eigi ai e si san e pasa. Den brenki ai fu en e ondrosuku+ libisma.   Yehovah srefi e ondrosuku den reti-ati sma nanga den ogri sma+ Èn efu wan sma lobi ogridu, dan Gado* no lobi en kwetikweti.+   A o meki krofaya* nanga ston di e bron saka kon na den tapu, neleki alen.+ A o strafu den nanga wan faya winti,+   Bika Yehovah na wan Gado fu retidu+ èn a lobi sma di e du san reti.+ A o du bun gi den reti-ati sma.+

Futuwortu

Luku „Moro sani”, nr. 8.
Noso: „A o seti furu trapu gi den.”