Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 102:1-28

Wan begi fu a mofinawan di kon swaki èn di e fruteri Yehovah ala den broko-ede fu en.+ 102  Yehovah, tangitangi, arki a begi fu mi.+Arki mi te mi e bari suku yepi na yu.+   No kibri yu fesi gi mi na a dei di mi de na nowtu.+Poti yesi arki mi.+Piki mi esi-esi na a dei di mi o kari yu.+   Mi libi pasa gowe esi-esi, neleki smoko.+Mi bonyo kon faya neleki krofaya di e bron.+   Mi ati kon swaki. A kon de leki drei grasi,+Fu di mi frigiti fu nyan mi nyanyan.+   A geme fu mi meki mi kon mangri so te,+Taki ala mi bonyo e kon de fu si.+   Mi gersi wan pelikaan-fowru na sabana.+Mi kon de leki wan yongu owrukuku na wan brokopresi.   Mi kon mangri srefisrefiÈn mi kon de leki wan fowru di sidon en wawan na tapu wan daki.+   Heri dei den feanti fu mi e spotu mi.+Den wan di e wisiwasi mi, e kari mi nen te den e fluku trawan,+   Bika mi nyan asisi leki brede.+Mi moksi den sani di mi e dringi nanga mi watra-ai,+ 10  Fu di yu ben krutu mi èn fu di yu ati ben kon bron srefisrefi nanga mi.+Yu opo mi fu kan trowe mi gowe.+ 11  Mi libi kon de leki wan skaduw na mofoneti.+Mi kon de leki drei grasi.+ 12  Yehovah, yu o tan fu têgo+Èn fu ala ten sma o memre yu.+ 13  Yu o opo du wan sani. Yu o abi sari-ati nanga Sion,+Bika now na a ten fu du bun gi en.A reti ten doro,+ 14  Bika den futuboi fu yu ben e prisiri nanga den ston fu a skotu fu Sion.+Den kon lobi a doti fu a gron drape srefi.+ 15  Den pipel fu grontapu o frede a nen fu Yehovah+Èn a glori fu yu o meki ala den kownu fu grontapu kon frede,+ 16  Bika Yehovah o bow Sion baka.+Ala sma o si a glori fu en.+ 17  A o arki a begi fu den wan di lasi ala den gudu fu den+Èn a no o si den begi fu den leki lawlaw sani.+ 18  A sani disi skrifi gi den pikin nanga den bakapikin di musu kon ete.+Den sma di musu gebore ete o prèise Yah.+ 19  Yehovah de na en santa presi na hemel, e luku kon na ondro.+Iya, a de na hemel, e luku kon na grontapu+ 20  Fu kan arki a geme fu den sma di de na strafu+Èn fu fri den wan di musu kisi dedestrafu.+ 21  Na Sion den musu taki fu a sma di nen Yehovah.+Na Yerusalem den musu prèise en+ 22  Te ala den pipel+Èn ala den kownukondre kon na wán fu dini Yehovah.+ 23  Fosi mi kon owru, a broko a krakti fu mi.+A syatu a libi fu mi.+ 24  Ne mi taki: „Ke mi Gado,No syatu mi libi.+Sensi owruten yu de kaba.+ 25  Langa ten pasa yu seti den fondamenti fu grontapu.+Nanga yu eigi anu yu meki hemel.+ 26  Den sani dati o lasi gowe, ma yu o tan.+Den alamala o kon owru neleki wan krosi.+Leki fa sma e kenki owru krosi fu weri nyunwan, na so yu o kenki den te a ten doro.+ 27  Ma yu e tan a srefi èn a libi fu yu no o kon na wan kaba.+ 28  Den manpikin fu den futuboi fu yu o tan libi pe den de.+Solanga den bakapikin fu den tan nanga yu, sani o go bun nanga den.”+

Futuwortu