Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 101:1-8

Wan psalm fu David. Wan singi. 101  Mi o singi fu bun-ati èn fu wan reti krutu.+Na gi yu, Yehovah, mi o singi prèisesingi.+   Mi o du sani nanga koni èn mi o tyari misrefi na wan reti fasi.+O ten yu o kon yepi mi?+Te mi de na ini mi oso, mi o sori taki mi na wan krin-ati sma.+   Mi no o meki mi ai si sani di no fiti.+Den sani di sma e du te den gowe libi Gado, mi no lobi kwetikweti.+Mi no wani abi noti fu du nanga den sani dati.+   Mi no e bumui nanga sma di e prakseri sani di no bun.+Mi no e du nowan ogri.+   Mi e tapu a mofo+Fu iniwan sma di e kon kibrikibri fu fruteri ogri-ati lei fu en mati.+Mi no man nanga+Sma di abi heimemre, noso di abi bigifasi.+   Mi e poti prakseri soso na den reti-ati sma fu grontapu,+So taki den kan tan nanga mi.+Den wan di e tyari densrefi na wan reti fasi,+Na den o dini mi.+   Nowan sma di e bedrigi trawan o tan na ini mi oso.+Iniwan sma di e fruteri lei no o tan moro+Nanga mi.+   Ibri mamanten mi o tapu a mofo fu ala den ogriwan fu grontapu.+Na so fasi mi o koti sma puru na ini a foto+ fu Yehovah, iya, ala den sma di e du hati sani nanga trawan.+

Futuwortu