Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Psalm 10:1-18

ל [Lamed] 10  Yehovah, fu san ede yu e tanapu so fara fu mi?+Fu san ede yu e go kibri te mi de na nowtu?+   Fu di den ogriwan abi bigifasi, meki den de fayafaya fu hari go na baka den sma di e pina.+Den ogri sma e kisi den mofinawan nanga den takru prakseri fu den.+   Den ogriwan e meki bigi fu den takru lostu fu den+Èn a sma di suku wini na wan kruka fasi,+ naki na tapu en borsu. נ [Nun]A no sori lespeki gi Yehovah.+   Fu di na ogriwan abi bigifasi, meki a no wani kon sabi Gado.+A e prakseri nomo: „Gado no de.”+   Ala ten sani e waka bun nanga en.+A no man frustan den wèt fu yu.+A e wisiwasi ala den feanti fu en.+   A taki na ensrefi: „Noti no kan meki mi naki futu.+Bakapikin o gowe, bakapikin o kon, ma noti o pasa nanga mi.”+ פ [Pe]   En mofo furu nanga fluku, a e taki soso lei èn a e taki sani fu kwinsi sma.+Den sani di a e taki nanga en mofo, e bruya sma. Na soso hati sani a e taki.+   A e sidon na wan kibripresi krosibei fu den dorpu fu seti luru gi sma.A e komoto na den kibripe fu en fu kiri sma di no du noti.+ ע [Ayin]Den ai fu en e suku den wan di de na nowtu.+   Neleki fa wan lew didon na en kibripe e luru fu kisi wan meti, na so na ogriwan e seti luru gi tra sma.+A e tan luru fu kan kisi+ wan mofinawan tyari gowe nanga tranga.Te a e hari a nèt fu en tapu, dan a e tyari den mofinawan gowe nanga tranga.+ 10  A e masi a mofinawan so te, taki a e fadon na gron.Ala den sma di lasi-ati musu fadon na ini a tranga anu fu na ogriwan.+ 11  A taki na ensrefi:+ „Gado frigiti den ogri di mi du.+A tapu en fesi.+Noiti a o si san mi e du.”+ ק [Kof] 12  Ke Yehovah, mi e begi yu, opo.+ Mi Gado, opo du wan sani.+No frigiti den mofinawan.+ 13  San meki na ogriwan no e lespeki Gado?+A taki na ensrefi: „Yu no sa aksi sma frantwortu fu den sani di den e du.”+ ר [Resj] 14  Yu si den sma di e tyari problema nanga sari kon.Yu e luku fa yu o tyari wan lusu kon.+Den pikin di no abi papa, iya, den wan di de na nowtu,+ poti frutrow na yu tapu.Na yu tron a yepiman fu den.+ ש [Syin] 15  Broko na anu fu na ogriwan nanga a takru-ati sma.+Mi e begi yu fu strafu den gi ala na ogri di den du.+ 16  Yehovah na Kownu fu ala ten, iya, fu têgo.+A pori den pipel fu den kondre, so taki den no de moro na grontapu.+ ת [Taw] 17  Yehovah, mi sabi taki yu o arki a begi fu den safri-ati sma.+Yu o sreka den ati.+Yu o poti yesi arki den,+ 18  Fu meki taki sani waka na wan reti fasi gi den pikin di no abi papa èn gi den wan di e pina.+Dan noiti moro den sma di e libi na grontapu o meki tra sma beifi.+

Futuwortu