Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Preikiman 7:1-29

7  Wan bun nen bun moro diri oli,+ èn a dei di wan sma dede, bun moro a dei di wan sma gebore.+  A moro bun fu go na wan oso pe sma e row, leki fu go na wan oso pe wan fesa de,+ bika dati na a kaba fu ala libisma. Den wan di de na libi, musu hori disi na prakseri.  A moro bun fu sari, leki fu lafu,+ bika wan sari fesi e meki wan sma ati kon moro bun.+  Te wan koni sma de na ini wan oso pe sma e row,+ dan a e prakseri bun fu a libi. Ma a wan-enkri sani di wan don sma e prakseri, na fa a kan meki prisiri.+  Moro betre yu e arki te wan koni sma e piri-ai gi yu,+ leki fu arki a singi fu wan don sma.+  Te wan don sma e lafu,+ dan dati de leki a babari fu maka di e bron na ondro wan patu. Disi srefi na wan soso sani.  Te sma e pina wan koni sma, dan a kan du law sani.+ Tyuku+ kan meki wan sma du kruka sani.+  A kaba fu wan tori, moro bun leki a bigin fu en.+ Moro betre wan sma abi pasensi, leki fu abi heimemre.+  No de wan sma di e mandi esi,+ bika na soso don sma e mandi esi.+ 10  No taki: „Fosi, sani ben betre moro now”,+ bika a no wan koni+ sani fu taki so. 11  Te wan sma e kisi koni nanga gudu, dan dati bun. Na wini nomo den libiwan e kisi fu disi.+ 12  Koni e kibri sma,+ neleki fa moni e kibri sma.+ Ma te wan sma abi sabi èn a abi koni tu, dan a o kisi wini fu di dati o hori en na libi.+ 13  Luku san a tru Gado du.+ Te a meki wan sani kron, dan suma man meki a sani dati kon reti baka?+ 14  Na wan bun dei yu musu firi bun.+ Ma na wan takru dei yu musu kon frustan taki a tru Gado e gi pasi taki bun dei de èn taki takru dei de.+ Na so fasi libisma no man kon sabi kwetikweti san o pasa na ini a ten di e kon.+ 15  Ala sortu sani mi si na ini a soso libi fu mi.+ Reti-ati sma e dede,+ aladi den e tyari densrefi na wan reti fasi, ma ogri sma e libi langa, aladi den e du den ogri fu den.+ 16  No denki taki yu na a moro bun sma di de.+ No denki taki yu sabi ala sani.+ Fu san ede yu musu pori yu libi?+ 17  No du ogri pasa marki.+ No kon de wan sma di e du don.+ Fu san ede yu musu dede, te a ten fu yu no doro ete?+ 18  Moro betre yu arki a rai disi. Ma yu no musu drai baka gi a tra rai tu,+ bika a sma di abi lespeki gi Gado, o arki ala den rai disi.+ 19  Koni e meki taki wan koni sma de moro tranga leki tin makti tiriman di e luku wan foto.+ 20  Nowan reti-ati sma no de na grontapu, di e du bun ala ten èn di no e sondu.+ 21  Boiti dati, yu no musu poti tumusi furu prakseri na ala sani di sma e taki.+ Noso yu o yere fa yu futuboi e taki takru fu yu,+ 22  bika yu sabi heri bun omeni leisi yusrefi taki takru fu tra sma.+ 23  Nanga ala a koni di mi abi mi sidon prakseri ala den sani disi. Mi taki: „Mi o kon koni.” Ma toku mi no kon koni.+ 24  Ala sani di de, dipi tumusi gi mi fu frustan. Suma kan kon sabi den?+ 25  Ne mi poti mi prakseri na tra sani,+ iya, nanga mi ati mi du dati, fu di mi ben wani kon sabi san na koni+ èn fu san ede sani de leki fa den de.+ Iya, mi ben wani ondrosuku den sani disi, so taki mi ben kan feni den. Na so fasi mi ben kan kon sabi taki donfasi na wan ogri sani èn taki lawfasi na wan don sani.+ 26  Ne mi kon frustan taki wan sani de di ogri moro dede.+ Iya, mi kon si taki wan uma de di de leki wan nèt di sma e teki fu onti. Na ati fu en na wan fisinèt èn den anu fu en na bui.+ Efu yu kan lowe gi na uma disi, dan a tru Gado o feni yu bun. Ma efu wan sma fadon gi na uma disi, dan a du wan sondu.+ 27  A leriman+ taki: „Luku, mi go ondrosuku a wan sani baka a trawan, bika mi ben wani feni wan piki fu kon sabi fa sani de.+ 28  Doronomo mi meki muiti fu kon frustan a tori disi, ma toku mi no e frustan en krinkrin. Na mindri wán dusun sma mi feni wán krin-ati man nomo,+ ma mi no feni nowan krin-ati uma.+ 29  Iya, san mi kon si nomo na taki a tru Gado meki libisma nanga wan krin ati,+ ma den go prakseri fu du tra sani.”+

Futuwortu