Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Preikiman 4:1-16

4  Dan mi bigin prakseri fu sani baka. Ne mi si ala den ogri di sma ben e du fu pina+ trawan na grontapu. Mi si den watra-ai fu den wan di trawan ben e pina,+ ma nowan sma ben de fu trowstu den.+ Iya, nowan sma ben de fu trowstu den, fu di den sma di ben e pina den, ben abi furu makti.  Di mi prakseri den dedewan, mi kon si taki a moro bun fu de wan sma di dede, leki fu de wan sma di de na libi.+  Iya, a moro bun srefi fu de wan sma di no gebore ete+ èn di no si den sari bakapisi fu sani di sma e du na grontapu.+  Mi si o tranga sma e wroko èn omeni muiti den e meki fu du den wroko bun+ te den e dyarusu na tapu makandra.+ Disi srefi na wan soso sani. Na winti nomo sma e feti fu fanga.  Den don sma e fow den anu+ èn na so den e pori den libi.+  Pikinso rostu* betre moro furu tranga wroko.* A betre moro leki te wan sma ben o feti fu fanga a winti.+  Di mi go prakseri fu sani baka, mi si den soso sani di sma e du na grontapu.  Wan sma de di no abi nowan mati.+ A no abi manpikin noso brada tu,+ ma toku a e tan wroko tranga. Noiti den gudu fu en e sari en.+ A e aksi ensrefi: „Gi suma mi e wroko so tranga?+ Fu san ede mi no e prisiri?” Disi srefi na wan soso sani. Na wan wroko di abi soso takru bakapisi.+  Tu sma moro bun leki wán,+ bika den e feni wan pai gi a tranga wroko fu den.+ 10  Efu wan fu den ben o fadon, dan a trawan kan opo en patna.+ Ma san o pasa te a wan e fadon, ma wan trawan no de fu opo en?+ 11  Boiti dati, efu tu sma e didon nanga makandra, dan den kan kon waran. Ma fa wán sma nomo kan tan waran?+ 12  Kande wan sma ben kan basi wan trawan di de en wawan. Ma te tu sma ben o de, dan den ben o man feti nanga en.+ Dri titei di frekti kon na wán, no man hari koti na tu makriki. 13  Wan pôti pikin di koni,+ betre moro wan owru kownu di don+ èn di no e arki moro te a e kisi rai.+ 14  A koni pikin disi komoto na strafu-oso, dan a tron kownu.+ Na a ten di a don kownu ben e tiri, a pikin dati gebore leki wan pôti pikin.+ 15  Mi luku ala den sma di de na libi èn di de na grontapu. Ne mi si fa a ben e go nanga a pikin di ben kon bakaten, iya, a wan di ben kon na presi fu a kownu.+ 16  Aladi furu sma de di a e tiri,+ toku bakaten den no o prisiri nanga en moro.+ Iya, disi srefi na wan soso sani. Na winti nomo sma e feti fu fanga.+

Futuwortu

Hebrewtongo: „wán anu di furu nanga rostu.”
Hebrewtongo: „tu anu di furu nanga tranga wroko.”