Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Preikiman 3:1-22

3  Gi ala sani wan ten de,+ iya, wan ten de gi ibri sani di sma e du na grontapu.  Wan ten de fu meki pikin+ èn wan ten de fu dede.+ Wan ten de fu prani gron èn wan ten de fu hari puru san yu prani.+  Wan ten de fu kiri+ èn wan ten de fu meki kon betre.+ Wan ten de fu broko puru èn wan ten de fu bow.+  Wan ten de fu krei+ èn wan ten de fu lafu.+ Wan ten de fu bari krei+ èn wan ten de fu dansi èn fu dyompodyompo fu prisiri.+  Wan ten de fu trowe ston gowe+ èn wan ten de fu tyari ston kon na wán.+ Wan ten de fu brasa+ èn wan ten de fu no brasa.+  Wan ten de fu suku sani+ èn wan ten de fu si wan sani leki lasi sani. Wan ten de fu kibri sani èn wan ten de fu trowe sani gowe.+  Wan ten de fu priti sani na tu+ èn wan ten de fu nai sani kon na wán.+ Wan ten de fu tan tiri+ èn wan ten de fu taki.+  Wan ten de fu lobi èn wan ten de fu no lobi.+ Wan ten de fu feti+ èn wan ten de fu freide.+  Sortu wini wan wrokoman e kisi gi a tranga wroko di a e du?+ 10  Mi si sortu wroko Gado gi libisma fu du.+ 11  Ala sani a meki moi na a reti ten.+ Srefi têgo ten a poti na ini den ati,+ so taki libisma noiti no man kon sabi finifini fa a tru Gado meki den sani fu en.+ 12  Mi kon si taki a moro bun sani di libisma kan du na fu prisiri èn fu du bun na ini a libi fu den.+ 13  Mi kon sabi tu taki ibri sma musu nyan, taki a musu dringi èn taki a musu prisiri nanga ala a tranga wroko di a e du.+ Na wan presenti fu Gado.+ 14  Mi kon sabi taki ala sani di a tru Gado e meki, o tan fu ala ten.+ Sma no kan poti nowan sani moro na den èn den no kan puru nowan sani fu den tu.+ Ma a tru Gado meki den,+ so taki libisma kan abi lespeki gi en.+ 15  San de now, na san ben de kaba. San musu kon ete, na san ben de kaba.+ A tru Gado+ e tan suku a bun fu den wan di trawan e frufolgu.*+ 16  San mi si tu na grontapu, na taki pe sma ben musu koti krutu na wan reti fasi, den ben e du ogri. Pe den ben musu du san reti, den ben e du ogri tu.+ 17  Mi taki na misrefi:+ „A tru Gado o koti krutu gi den reti-ati sma èn gi den ogri sma,+ bika gi ala afersi di de èn gi ala wroko, Gado abi wan ten.”+ 18  Fu den libisma mi taki na misrefi taki a tru Gado o poti den aparti fu makandra, so taki den kan si taki den de a srefi leki meti,+ 19  bika a sani di e pasa nanga libisma, na dati e pasa tu nanga den meti. A srefi sani e pasa nanga den alamala te fu kaba.+ Soleki fa a wan e dede, na so a trawan e dede tu.+ Den alamala abi a srefi libikrakti+ èn fu dati ede libisma no bun moro meti. Iya, ala sani na soso sani. 20  Den alamala e go na wán presi.+ Den alamala meki fu doti+ èn den alamala e drai go baka na doti.+ 21  Suma sabi efu a libikrakti fu libisma e opo go na loktu, noso efu a libikrakti fu meti e saka go na grontapu?+ 22  Mi si taki nowan sani moro bun leki te wan sma e prisiri nanga en wroko,+ bika dati na a pai di a o kisi. Iya, suma o tyari en kon baka fu sori en san o pasa baka te a dede?+

Futuwortu

Hebrewtongo: „e tan suku a sani di trawan e suku fu kisi nomonomo.”