Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Preikiman 10:1-20

10  Neleki fa dede freifrei kan pori switismeri+ oli, so taki a bigin tingi, na so pikinso don kan pori a bun nen fu wan sma di trawan sabi leki wan sma di koni èn di e tyari ensrefi na wan lespeki fasi.+  Na ati fu wan koni sma e meki a du san reti,+ ma na ati fu wan don sma e meki a du sani di no bun.+  Awinsi sortu pasi wan don sma e waka,+ toku a no e waka nanga koni. A e taigi ala sma taki a don.+  Efu wan tiriman ati e bron nanga yu, no lasi yusrefi.+ Wan tiri fasi e yepi wan sma fu no du bigi sondu.+  Mi si wan sari sani e pasa na grontapu. A sari sani disi na wan fowtu+ di tiriman+ gwenti meki.  Furu tron den e meki don sma tron heihei man,+ ma den sma di e tyari densrefi na wan warti fasi, no e tron prenspari sma.  Mi si futuboi e rèi asi, ma mi si granman tu di e waka nanga futu neleki futuboi.+  A sma di e diki wan olo o fadon go na ini langalanga.+ Sneki o beti+ a sma di e broko pasa wan ston skotu.  Efu wan sma e koti ston puru na ini bergi, dan den ston o gi en mankeri. A sma di e priti udu musu luku bun taki na udu no gi en mankeri.+ 10  Efu wan isri aksi kon dede èn wan sma no srapu+ en, dan a sma o abi fu wroko moro tranga. Na so a de tu taki sani o waka bun nanga wan sma di e gebroiki a koni fu en na wan reti fasi.+ 11  Efu wan sneki beti wan bonuman, fosi a taki wan sani fu meki a sneki dansi,+ dan a no abi wini gi a bonuman disi di sabi en wroko bun. 12  Te wan koni sma e taki, dan a switi fu yere,+ ma a tongo fu wan don sma e pori en libi.+ 13  Te a e bigin taki, dan na soso don sani a e taki,+ èn te a kaba taki, dan a taki soso law sani di kan pori en libi. 14  Wan don sma e taki furu.+ Libisma no sabi san o pasa bakaten.+ Suma kan fruteri en san o pasa baka te a dede? 15  A tranga wroko fu don sma e meki den kon weri,+ bika nowan fu den kon sabi fa den musu go na foto.+ 16  Na soso rampu o miti wan kondre te a kownu na wan boi+ ete èn te den granman e tan nyan teleki mamanten srefi. 17  Koloku fu wan kondre te a kownu na a manpikin fu wan heihei sma èn te den granman e nyan na a reti ten fu kan kisi krakti, na presi fu dringi sopi nomo teleki den kon drungu.+ 18  Bigi lesi e meki taki den postu fu wan daki broko fadon èn te wan sma e fow en anu nomo, dan dati e meki taki na oso leki.+ 19  Brede e meki wrokoman lafu èn win e gi prisiri na ini a libi,+ ma moni e gi sma ala san den abi fanowdu.+ 20  No taki takru fu a kownu+ te yu de na ini yu sribikamra èn no taki takru fu wan gudu sma+ te yu de na ini den kamra fu yu oso. Noso wan fowru o yere san yu e taki, dan a o frei go fruteri san a yere èn wan sani di abi frei o fruteri sma a tori.+

Futuwortu