Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Preikiman 1:1-18

1  Den sani di e kon now, na san a leriman*+ taki. En na a manpikin fu David èn a ben de kownu na Yerusalem.+  „Na wan soso sani!”+ na so a leriman taki, „na wan soso sani! Iya, ala sani na soso sani!”+  Sortu wini wan sma e kisi fu ala a tranga wroko+ di a e du dyaso na grontapu?*+  Libisma e dede+ èn tra libisma e kon,+ ma grontapu e tan fu ala ten.+  Son opo kon nanga ala en leti èn a dongo baka.+ A e go esi-esi na a presi fu pe a ben komoto. Fu drape a o opo kon baka nanga ala en leti.+  A winti e wai go na zuidsei èn a e drai go na noordsei.+ Doronomo a e wai lontu fu a wan sei go na a trawan,+ teleki a lontu kon baka pe a ben bigin.  Ala den liba+ e lon go na se.+ Toku a se srefi no e furu.+ Na a presi pe den liba e komoto, na drape den e drai go baka, so taki den kan komoto fu drape baka.+  Ala sani e meki sma kon weri.+ Sani furu so te, taki nowan sma kan taki fu den. San ai e si,+ no e sari en èn awinsi san yesi e yere,+ a no e sari en.  Sani di pasa kaba, o pasa baka.+ Sani di du kaba, o du baka. Sobun, nowan sani de na grontapu di sma no du noso si ete.+ 10  Son leisi sma e taki: „Luku, wan nyun sani.” Ma a nyun trutru? Sensi ten+ a sani dati ben de kaba. Langa ten fosi wi ben de, a sani disi ben meki kaba.+ 11  Nowan sma e memre den wan fu fositen èn nowan sma o memre den wan di musu kon ete.+ Iya, nowan sma o memre den wan di o kon bakaten.+ 12  Mi, a leriman, ben de kownu fu Israel na Yerusalem.+ 13  Mi poti mi ati fu kon sabi èn fu ondrosuku na wan koni+ fasi ala sani di sma du na grontapu. Dati na ala den sani di Gado gi libisma fu du, ma di e tyari broko-ede kon gi den.+ 14  Mi si ala sani di du na grontapu.+ We, ala sani di du, na soso sani èn na winti nomo sma e feti fu fanga.+ 15  A sani di meki kron, no kan meki kon reti baka.+ San no de, sma no man teri kwetikweti. 16  Mi ben taki na misrefi:+ „Luku, mi kon kisi bigi koni, moro leki iniwan sma di ben de na Yerusalem fosi mi.+ Mi kon frustan san na koni nanga sabi.”+ 17  Nanga mi heri ati mi ben wani kon sabi san na koni èn san na law sani.+ Mi kon sabi san na don fasi.+ Ne mi kon si tu taki den sani disi na winti nomo di sma e feti fu fanga.+ 18  Bigi koni e tyari bigi sari kon.+ Sobun, a sma di e kon sabi moro, e sari moro tu.+

Futuwortu

Noso: „a wan di e tyari sma kon na wán.”
Hebrewtongo: „na ondro a son.” Tutenti na neigi tron den wortu disi de fu feni na ini Preikiman.