Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 9:1-18

9  Trutru koni+ bow en oso.+ A meki den seibi pilari fu na oso.  A srakti en meti. A moksi en win kaba. Ma a no dati wawan. A seti en tafra tu.+  A seni den uma-futuboi fu en go na den moro hei presi fu a foto fu bari kari sma. Den e taki:  „Iniwan sma sondro ondrofeni, musu kon dyaso.”+ Koni e taigi a sma di no abi frustan:*+  „Kon, nyan mi brede èn dringi a win di mi moksi kaba.+  Libi den sma sondro ondrofeni èn tan na libi.+ Waka na wan fasi di e sori taki yu abi frustan.”+  A sma di e gi wan spotuman piri-ai, o kisi syen+ èn a sma di e bari na ogri sma, en fesi o fadon.+  No bari wan spotuman, noso a o kon abi bita-ati gi yu.+ Bari wan koni sma, dan a o lobi yu.+  Gi wan koni sma leri, dan a o kon moro koni.+ Leri wan reti-ati sma wan sani, dan a o suku fu kon sabi moro. 10  Bigi lespeki gi Yehovah na a bigin fu koni.+ Wan sma abi frustan, soso te a sabi a Moro Santawan.+ 11  Na mi o meki den dei fu yu libi kon furu.+ Na mi o meki yu libi moro langa.+ 12  Efu yu kon kisi koni, dan na fu yu eigi bun yu kon kisi a koni dati.+ Efu yu na wan sma di e spotu trawan, dan na yu o firi en, iya, yu wawan.+ 13  Wan don uma lobi meki dyugudyugu.+ So wan uma no abi frustan èn a no kon sabi noti.+ 14  A go sidon na tapu wan sturu na a mofodoro fu en oso, na den hei presi fu a foto+ 15  fu bari gi den sma di e pasa na strati, gi den wan di e waka langalanga na tapu a pasi fu den.+ A e taigi den: 16  „Iniwan sma sondro ondrofeni, musu kon dyaso.”+ A e taigi a sma di no abi frustan:+ 17  „Watra di sma fufuru, switi fu dringi+ èn brede di sma e nyan na wan kibri fasi, switi fu nyan.”+ 18  Ma a sma sondro ondrofeni no kon sabi taki den dedewan di no man du noti, de drape, iya, taki den wan di na uma kari, de now na ini den lagi presi fu Grebi.*+

Futuwortu

Luku a marki na Odo 6:32.
Hebrew wortu: syeol. Luku „Moro sani”, nr. 10.