Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 8:1-36

8  Koni e tan bari+ èn a koni fu man si sani krin, e tan opo en sten.+  Na den hei presi,+ na seipasi èn na den uku pe den pasi e miti, na drape a go tanapu.  Koni de na sei den portu, na a doromofo fu a foto,+ na a presi pe sma e pasa go na ini a foto. A e tan bari nanga wan tranga sten:+  „Un mansma, na unu mi e kari. Mi opo mi sten kari den libisma.+  Unu di no abi ondrofeni, un kon frustan san na koni.+ Un don sma, kon kisi wan koni ati.+  Arki, bika mi e taki fu den moro prenspari sani+ èn mi e opo mi mofo fu taki sani di reti.+  Nanga wan safri sten mi mofo e taki nomo san tru.+ Ogridu na wan tegu sani gi mi mofobuba.+  Ala den sani di mi e taki nanga mi mofo na reti sani.+ Nowan bedrigi noso kruktu sani mi e taki.+  A sma di abi a koni fu man si sani krin, e frustan ala den sani disi bun. Gi den wan di e kon sabi san na koni, den sani disi reti.+ 10  Un teki a leri fu mi na presi fu solfru. Teki sabi na presi fu teki a moro bun gowtu,+ 11  bika koni bun moro koraal-ston.+ Nowan tra sani di e gi sma prisiri, kan kon de a srefi leki koni.+ 12  Mi na koni. Mi e denki bun, fosi mi du wan sani.+ Mi kon sabi san a wani taki fu denki dipi fu sani.+ 13  Bigi lespeki gi Yehovah wani taki fu tegu gi san ogri.+ Mi e tegu gi sma di e hei densrefi, di abi heimemre,+ di e du ogri èn di e taki soso lei nanga den mofo.+ 14  Mi kan gi sma bun rai+ èn mi kan sori den fa fu waka nanga koni.+ Mi na frustan.+ Mi abi makti.+ 15  Na mi e meki taki kownu man tiri èn taki heihei sma man meki wèt di reti.+ 16  Na mi e meki taki granman man tiri+ èn taki edeman man koti krutu na wan reti fasi.+ 17  Den sma di lobi mi, mi lobi den tu.+ Den sma di e suku mi, o feni mi tu.+ 18  Mi abi gudu nanga glori.+ Mi abi sani di warti èn di e tan fu ala ten. Mi abi retidu sosrefi.+ 19  San mi e gi yu bun moro gowtu, iya, moro soifri gowtu. Den sani di mi gi yu, bun moro solfru.+ 20  Mi e waka na tapu a pasi fu retidu,+ na mindrisei fu den pasi pe mi e koti krutu na wan reti fasi.+ 21  Na so mi e meki den sma di lobi mi, kisi gudu di no o lasi gowe.+ Mi e tan furu den maksin fu den.+ 22  Na Yehovah srefi meki mi. Mi ben de a fosi sani di a meki,+ a fosiwan fu ala den sani di a meki langa ten pasa.+ 23  Sensi owruten a poti mi na wroko,+ iya, sensi a bigin, langa ten fosi grontapu ben de.+ 24  Na a ten di den bigi watra no ben de, mi gebore nanga bun furu muiti.*+ Na a ten dati watra-olo di lai nanga watra, no ben de. 25  Fosi den bergi ben saka poti na den presi+ èn fosi den pikin bergi ben kon de, a wroko tranga fu meki mi. 26  Na a ten dati a no ben meki grontapu+ nanga den sabana ete. A no ben meki a fosi pisi doti fu gron srefi.+ 27  Di a sreka hemel, mi ben de drape.+ A poti wan skotu lontu den bigi watra.+ 28  A seti den bigi wolku na loktu.+ A furu den presi pe den bigi watra de.+ 29  A taki te o fara a watra fu se ben musu doro.+ A seti den fondamenti fu grontapu.+ 30  Mi ben e wroko nanga en sei na sei leki wan tumusi bun wrokoman.+ Ala dei mi ben e gi en bigi prisiri.+ Ala ten mi ben breiti, fu di mi ben de nanga en.+ 31  Te mi ben e luku grontapu, a ben e gi mi prisiri+ èn mi ben lobi den libisma srefisrefi.+ 32  Sobun, mi manpikin, un arki mi, bika den sma di e arki mi o de koloku.+ 33  Gi yesi na den sani di mi e leri unu èn kon kisi koni.+ No si den sani di mi taki leki soso sani.+ 34  Koloku fu a sma di e arki mi. Ibri dei a e kon na den doro fu mi frukufruku mamanten. A e wakti na den doropostu fu mi,+ 35  bika a sma di feni mi, o feni libi+ èn Yehovah o feni en bun.+ 36  Ma a sma di no feni mi, o pina ensrefi.+ Ala den sma di no lobi mi kwetikweti, na dede den wani dede.”+

Futuwortu

Noso: „Mi meki nanga a hebi pen di wan uma abi te a e meki en pikin.”