Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 30:1-33

30  A sani di e kon now, na wan prenspari boskopu+ di Agur, a manpikin fu Yakei, taki. Na disi a ben taigi Itiyel nanga Ukal.  Mi don moro ala tra sma.+ Mi no abi someni frustan leki tra libisma.+  Mi no kon sabi san na koni.+ Mi no sabi den sani di a Moro Santawan sabi.+  Suma opo go na hemel èn saka kon na gron baka?+ Suma tyari a winti kon na wán+ na ini den tu anu fu en? Suma domru den se nanga den liba na ini wan dyakti?+ Suma seti ala den lanki fu grontapu?+ Efu yu sabi, dan taigi mi san na a nen+ fu a sma disi èn san na a nen fu en manpikin.+  Ala sani di Gado e taki de soifri.+ Gado na wan skelt gi den sma di e suku kibri na en.+  Yu no musu taki moro leki san en srefi taki,+ dan a no abi fu warskow yu èn yu no o de wan leiman.+  Tu sani mi aksi yu.+ Na den sani disi nomo mi wani fosi mi dede.+  Meki sani di no tru nanga lei tan farawe fu mi.+ No meki mi kon pôti èn no meki mi kon gudu tu.+ Meki mi nyan a nyanyan di mi abi fanowdu,+  so taki mi no nyan mi bere furu èn drai mi baka gi yu+ èn taki: „Suma na Yehovah?”+ No meki mi kon pôti tu, so taki mi no go fufuru èn pori a nen fu mi Gado.+ 10  No go fruteri wan basi ala sortu lei fu en futuboi,+ so taki a no fluku yu èn tyari yu go na krutu.+ 11  Yu abi sma di e fluku den eigi papa srefi èn srefi den eigi mama den no e blesi.+ 12  Yu abi sma di denki taki den abi wan krin ati,+ ma den no wasi den eigi pupe puru na den skin srefi.+ 13  Yu abi sma di kon kisi bigifasi! Nanga den brenki ai den e luku sma na wan heimemre fasi.+ 14  Yu abi sma di abi tifi leki feti-owru èn kakumbe leki bigi nefi fu srakti meti.+ Den e wai den mofina sma puru na grontapu èn den e figi pôti sma puru na mindri libisma.+ 15  Den watraworon abi tu umapikin di e bari: „Gi mi wan sani fu nyan! Gi mi wan sani fu nyan!” Dri sani de di noiti no abi nofo, iya, fo sani de di no taki: „A sari!” 16  Grebi,*+ wan bere di no man kisi pikin,+ wan gron di noiti abi nofo watra+ èn faya+ di no taki: „A sari!”+ 17  Efu wan sma e spotu en papa èn a no wani gi yesi na en mama,+ dan blaka fowru fu den lagipresi o tyopu den ai fu en puru èn den pikin fu aka o nyan en ai. 18  Dri sani de di dangra tumusi gi mi èn fo sani de di mi no man frustan. Dati na: 19  a fasi fa wan aka e frei na loktu, a fasi fa wan sneki e kroipi na tapu wan bigi ston, a fasi fa wan sipi e waka na se+ èn a fasi fa wan man e kori wan yongu wenke.+ 20  Disi na san wan huru-uma du: a nyan, a figi en mofo, dan a taki: „Mi no du nowan ogri.”+ 21  Dri sani de di meki taki grontapu e seki èn fo sani de di a no man tyari. Dati na: 22  te wan srafu e tiri leki kownu,+ te wan sma sondro frustan e prakseri nyanyan nomo,+ 23  te wan man e trow nanga wan uma di sma no lobi+ èn te wan umasrafu e teki a presi fu en misi.+ 24  Fo sani de di pikin moro ala tra sani na grontapu, ma den abi koni di poti na ini den.+ Dati na 25  den mira. Den no tranga,+ ma toku den e tyari den nyanyan kon na wán na ini a waran ten fu a yari.+ 26  Yu abi den bergi-konikoni+ tu. Den no de nanga furu, ma toku den e meki den oso na tapu wan stonbergi.+ 27  Dan yu abi den sprenka.+ Den no abi wan kownu, ma toku den alamala prati na ini grupu te den e hari gowe.+ 28  Yu abi sosrefi a kamrawenke.+ A man waka na seiskotu sondro fu fadon. A e tan na ini a moi oso fu wan kownu. 29  Dri libisani de, iya, fo libisani de di e buweigi na wan fasi di moi fu si. Wan fu den na 30  a lew. A de a moro tranga meti di de èn a no e lon gi nowan sma.+ 31  Dan yu abi na ontidagu, a bokoboko, nanga wan kownu di e waka nanga a legre fu en.+ 32  Efu yu ben de so don fu kisi heimemre+ èn nomonomo yu ben wani tyari yusrefi na a fasi dati, we, dan tapu yu mofo nanga yu anu.+ 33  Te wan sma e drai merki doronomo, dan a merki o tron botro. Te wan sma e kwinsi en noso, dan en noso o brudu èn te wan sma e puru atibron na trawan tapu, dan dati e meki trobi kon.+

Futuwortu

Hebrew wortu: syeol. Luku „Moro sani”, nr. 10.