Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 28:1-28

28  Srefi te nowan sma e hari go na baka den ogri sma,+ toku den e lowe, ma den reti-ati sma abi a deki-ati fu wan yongu lew.+  Te den sma fu wan kondre e trangayesi den wèt fu a kondre, dan na a wan tiriman baka a trawan o tiri a kondre.+ Ma wan sma di abi a koni fu man si sani krin èn di sabi san reti o meki taki a tiriman o tiri langa.+  Wan man di pôti èn di e bedrigi den mofina sma,+ de leki alen di e wasi sani gowe, so taki nowan nyanyan no de.  Den wan di drai baka gi a wèt e prèise den ogri sma,+ ma den wan di e hori a wèt e kisi atibron nanga den sma di drai baka gi a wèt.+  Sma di lobi du ogri no man frustan san na retidu, ma den wan di e suku Yehovah man frustan ala sani.+  Moro betre wan sma pôti, ma a e tyari ensrefi na wan reti fasi, leki te wan sma gudu, ma a e du kruktudu.+  Wan koni manpikin e hori a wèt,+ ma wan sma di e waka nanga gridi nyanman e meki en papa kisi syen.+  A sma di e leni moni na trawan soso fu kan kisi wini+ èn di e aksi furu rente, so taki a kan kisi moro gudu, o tyari den gudu fu en kon na wán soso gi a sma di e du bun gi den mofinawan.+  Gado e tegu+ gi den begi fu wan sma di no wani gi yesi na a wèt.+ 10  A sma di e meki taki den krin-ati sma go waka a takru pasi+ o fadon go na ini na olo di ensrefi diki,+ ma den wan di e du san reti o feni bun.+ 11  Wan guduman denki taki a koni,+ ma wan mofina sma di abi koni man si krin suma na en.+ 12  Te reti-ati sma e prisiri,+ dan dati de wan kefalek moi sani, ma te ogri sma e bigin tiri, dan sma e kibri suma den de trutru.+ 13  Sani no o waka bun gi a sma di e kibri den sondu fu en,+ ma sma o sori sari-ati gi wan sma te a e taki krin sortu sondu a du èn te a no e du den moro.+ 14  Koloku fu a sma di e lespeki Gado doronomo,+ ma ogri o miti a sma di e meki en ati kon tranga.+ 15  Wan ogri-ati tiriman di e tiri den mofina sma, de leki wan lew di e bari èn leki wan beer di e lon kon na wan sma tapu.+ 16  Wan tiriman di no abi a koni fu man si sani krin o du furu kruka sani,+ ma a sma di no lobi fu bedrigi trawan fu kisi wini gi ensrefi+ o libi moro langa. 17  Wan sma di kiri wan trawan o tyari a brudu-paiman dati èn a o tan lowe, teleki a doro grebi-olo.+ No meki sma tapu en. 18  A sma di e du san reti o kisi kibri,+ ma a sma di e du kruka sani o fadon wantronso.+ 19  A sma di e wroko en eigi gron o abi nofo nyanyan.+ A sma di e feti fu kisi gudu di no warti noti, na soso pina a o pina.+ 20  Wan man di e du san reti o kisi furu blesi,+ ma a sma di e hasti ensrefi fu kon gudu o meki fowtu.+ 21  A no bun fu teki sma sei+ èn a no bun taki wan man e trangayesi a wèt, soso fu feni wan pisi brede. 22  Wan man di abi bigi-ai e feti fu kisi gudu,+ ma a no sabi taki pina srefi o miti en. 23  Bakaten wan sma o sori moro warderi gi a sma di piri-ai gi en,+ leki gi wan sma di korikori en nanga switi taki. 24  A sma di e fufuru en papa nanga en mama+ èn e taki: „Mi no du nowan ogri”,+ na a mati fu den wan di e pori tra sma libi. 25  A sma di abi heimemre e tyari trobi kon,+ ma sani o go bun nanga a sma di e frutrow tapu Yehovah.+ 26  A sma di e frutrow na tapu ensrefi na wan don sma,+ ma a sma di e waka nanga koni o kisi kibri.+ 27  A sma di e yepi den pôtiwan no o pina,+ ma sma o fluku a wan di e tapu en ai gi den nowtu fu trawan.+ 28  Te ogri sma e bigin tiri, dan sma e kibri suma den de trutru,+ ma te den ogri sma dede, dan den reti-ati sma o kon moro furu.+

Futuwortu