Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 22:1-29

22  A moro betre fu abi wan bun nen, leki fu abi furu gudu.+ A moro betre fu sma lespeki yu, leki fu abi solfru nanga gowtu.+  A guduman nanga a pôtiman miti makandra.+ Na Yehovah na a Mekiman fu den ala tu.+  A koniwan si taki ogri o miti en èn a go kibri,+ ma a sma sondro ondrofeni waka go doro èn dati meki a musu kisi strafu.+  Sakafasi nanga bigi lespeki gi Yehovah e gi wan sma gudu, glori nanga libi.+  Maka nanga trapu de na tapu a pasi fu wan sma di e du kruktudu.+ A sma di wani kibri en libi e tan farawe fu den sani dati.+  Leri wan boi fu waka a yoisti pasi.+ Srefi te a kon owru, a no o komoto fu a pasi dati.+  A guduman e basi den pôti sma+ èn a sma di lobi leni moni na a futuboi fu a man di leni en a moni.+  A sma di e sai ogridu, o koti ogri+ èn na ogri-ati fasi fa a e basi sma* o kon na wan kaba.+  A sma di abi switifasi o kisi blesi, bika a prati en nyanyan nanga den mofinawan.+ 10  Yagi a spotuman gowe, so taki trobi kan gowe tu èn so taki krutu-afersi nanga syen no de moro.+ 11  A sma di e du muiti fu abi wan krin ati+ èn fu taki na wan switi fasi o abi a kownu leki mati.+ 12  Yehovah e kibri sma di e waka nanga koni,*+ ma a e gens den sani di bedrigiman e taki.+ 13  A lesiman taki:+ „Wan lew de na dorosei!+ A o kiri mi leti na den pren.” 14  A mofo fu huru-uma na wan dipi olo.+ A sma di Yehovah krutu o fadon go na ini na olo disi.+ 15  Don de na ini na ati fu wan boi.+ Efu yu strafu* en fu leri en wan sani, dan a no o du don.+ 16  A sma di e bedrigi a mofina sma fu kan kon gudu+ èn a sma di gwenti gi a guduman kado o kon pôti te fu kaba.+ 17  Poti yesi arki èn yere san koni sma abi fu taki,+ so taki yu kan teki a sabi fu mi nanga yu heri ati.+ 18  Na wan prisiri sani te yu kibri den sani di yu yere, dipi na ini yu ati.+ Na so fasi yu kan taki fu den ala ten.+ 19  Na gi yu mi tyari sani kon na krin tide, so taki yu kan frutrow tapu Yehovah.+ 20  Mi ben skrifi sani gi yu fu gi yu furu rai èn fu tyari sani kon na krin gi yu,+ 21  so taki yu kan bribi taki den sani disi tru. Dan yu kan go baka na a sma di seni yu èn gi en wan piki di tru.+ 22  A no fu di wan mofina sma mofina, meki yu musu fufuru en.+ No pina wan pinaman di de na a portu,+ 23  bika na Yehovah o opo taki gi en te a de na fesi krutu.+ A o teki a libi fu den wan di e fufuru den mofina sma nanga den pinaman.+ 24  No tron mati fu wan sma di ati e bron esi.+ No bumui nanga wan sma di e kisi bigi atibron, 25  so taki yu no kon de leki en èn seti wan trapu gi yusrefi.+ 26  No kon de wan fu den sma di e seki anu+ noso di e agri fu pai a paiman fu den wan di leni moni.+ 27  Fu san ede yu ben o meki den teki a bedi di yu musu sribi na tapu, soso fu di yu no abi a moni fu pai den? 28  No skoifi den marki di e sori o bigi wan gron de. Na den afo fu unu ben poti den marki disi sensi ten.+ 29  Yu si wan man di sabi du en wroko bun? Na fesi kownu a o tanapu.+ A no o tanapu na fesi sma di no de prenspari.

Futuwortu

Hebrewtongo: „a tiki fu en atibron.”
Hebrewtongo: „sabi.”
Luku a marki na Odo 13:24.