Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 21:1-31

21  Na ati fu wan kownu de leki liba na ini na anu fu Yehovah.+ A e tyari en go pe a wani.+  Wan man kan denki taki den pasi fu en bun,+ ma na Yehovah e ondrosuku na ati fu sma.+  Te wan sma e du san bun èn a e krutu sani na wan reti fasi, dan dati e prisiri Yehovah moro leki te wan sma ben o tyari ofrandi gi en.+  Heimemre nanga bigifasi+ na a lampu fu den ogri sma. Den sani dati na sondu.+  Te wan sma e wroko tranga, dan den sani di a abi na prakseri fu du o tyari wini kon gi en.+ Ma ibri sma di e du sani tumusi esi o pina.+  Te sma e lei fu kisi gudu, dan a gudu dati e gowe neleki wan blo.+ Sma di e tyari densrefi na a fasi dati, na dede den wani dede.+  Na a fufuru di den ogri sma e fufuru sani tyari gowe o meki taki ogri miti den,+ fu di den no wani du san reti.+  Wan man di du wan ogri gowe libi a reti pasi.+ Ma a sma di ati krin, e du san reti.+  A moro betre fu tan na tapu na uku fu wan daki,+ leki fu tan na ini wán oso nanga wan wefi di lobi meki trobi.+ 10  Wan ogri sma e angri fu du ogri.+ A no o du bun gi tra sma.+ 11  A butu di wan spotuman e kisi e meki a sma sondro ondrofeni, kisi koni.+ Te wan sma yepi a koniwan fu kon si a dipi fu wan tori, dan a o sabi san fu du.+ 12  A Gado di e du san reti e poti prakseri na a osofamiri fu wan ogri sma+ èn a e meki taki soso ogri e miti den ogriwan.+ 13  Efu wan sma e tapu en yesi te wan mofinawan e bari suku yepi,+ dan sma no o piki en tu te ensrefi o bari suku yepi.+ 14  Wan kado di gi na wan kibri fasi e kowru atibron.+ Tyuku di gi kibrikibri e kowru bigi atibron.+ 15  Wan reti-ati sma e prisiri te a e du san reti,+ ma ogri o miti den sma di e du hati sani nanga trawan.+ 16  A sma di no e waka nanga koni moro+ o tan nanga den dedewan di no man du noti.+ 17  A sma di lobi meki prisiri o pina.+ A sma di lobi win nanga oli no o kisi gudu.+ 18  Wan ogri sma na wan lusu-paiman gi wan reti-ati sma+ èn wan sma di e bedrigi trawan e teki a presi fu wan sma di ati krin.+ 19  A moro betre fu tan na ini wan sabana, leki fu tan nanga wan wefi di lobi meki trobi èn di e tanteri en masra.+ 20  Na ini na oso fu wan koni sma yu abi diri gudu nanga oli,+ ma wan donman o frumorsu den.+ 21  A sma di e suku fu du san reti+ èn fu sori bun-ati o feni libi, retidu nanga glori.+ 22  Wan koni sma kren go na a foto pe soso tranga man de, so taki a kan broko a fortresi pe den ben e suku kibri.+ 23  A sma di e hori en mofo èn di no e taki tumusi esi san a e prakseri o wai pasi gi problema.+ 24  Wan heimemre dyafman di abi bigifasi, dati na a nen fu a sma di e meki bigi te a kisi atibron.+ 25  Na den lostu fu wan lesiman o meki taki a lasi en libi, bika a no ben wani wroko.+ 26  Heri dei a e angri fu kisi sani, ma wan reti-ati sma no gridi fu gi trawan sani.+ 27  Gado e tegu gi den ofrandi fu den ogri sma.+ We, dan a no de fu taki, dati a e tegu moro gi na ofrandi efu a sma e du ogri sondro fu syen.+ 28  Wan kotoigi di e lei o dede,+ ma a sma di sabi arki bun o opo taki gi trawan nanga bun bakapisi.+ 29  Den ogri sma prefuru fu du sani,+ ma den krin-ati sma no o degedege te den o waka.+ 30  Libisma no o man gens Yehovah nanga a koni fu den, nanga a sabi di den sabi sani, noso nanga a rai fu den.+ 31  Na asi na wan meti di sma e sreka fu go na feti,+ ma na Yehovah e frulusu sma.+

Futuwortu