Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 2:1-22

2  Mi manpikin, gi yesi na den sani di mi taigi yu+ èn kibri den komando fu mi leki wan gudu,+  so taki yu kan poti yesi arki koni+ èn opo yu ati fu leri fa fu si sani krin.+  Boiti dati, bari kari frustan+ èn opo yu sten fu kisi a koni fu man si sani krin.+  Tan suku en leki fa sma e suku solfru.+ Leki fa sma e suku gudu di kibri, na so yu musu tan suku en.+  Te yu du dati, dan yu o kon frustan san a wani taki fu abi lespeki+ gi Yehovah. Yu o kon leri sabi Gado,+  bika na Yehovah srefi e gi sma koni.+ Te a e opo en mofo, sabi nanga a koni fu man si sani krin, e komoto na ini.+  Leki fa sma e poti gudu na wan sei, na so a poti koni+ na wan sei gi den krin-ati sma. Koni na wan skelt gi den sma di e tyari densrefi na wan reti fasi.+  A e hori wakti gi den sma di e waka wan reti pasi+ èn a o meki sani waka bun gi den wan di e tai hori na en.+  Efu yu du den sani disi, dan yu o kon frustan san na retidu, fa fu koti krutu na wan reti fasi èn fa fu de wan krin-ati sma. Yu o frustan fa fu du ala den bun sani disi.+ 10  Te koni e kon na ini yu ati+ èn sabi e gi yu bigi prisiri,+ 11  dan a frustan di yu abi, o de leki wan waktiman gi yu+ èn a koni di yu abi fu si sani krin, o kibri yu.+ 12  A o puru yu na a takru pasi.+ A o meki taki yu man wai pasi gi a sma di e taki soso lei+ 13  èn gi den wan di gowe libi den reti pasi fu go waka den dungru pasi.+ 14  A o meki taki yu man wai pasi gi den sma di e prisiri fu du ogri.+ Den sma disi breiti nanga ogridu èn nanga sani di no fiti kwetikweti.+ 15  Den e du kruktudu èn den abi a gwenti fu bedrigi trawan.+ 16  A o kibri yu gi na huru-uma, iya, gi na uma di e yayo+ èn di sabi kori sma nanga den switi taki fu en.+ 17  Na uma disi gowe libi a sma di ben de en masra* sensi en yongu yari.+ A frigiti a heri kruderi fu en nanga a Gado fu en.+ 18  Na oso fu na uma disi e meki sma saka go na ini grebi. A pasi fu en e tyari sma go na den dedewan di no man du noti.+ 19  Nowan sma di e go didon nanga na uma disi, o drai kon baka. Den no o man waka moro na tapu a pasi fu den libiwan.+ 20  Koni o meki yu waka a pasi fu den bun sma.+ A o meki yu tan na tapu a pasi fu den reti-ati sma.+ 21  Den reti-ati sma o libi na grontapu.+ Na soso den wan di e du bun, o tan abra.+ 22  Ma Gado o figi den ogri sma puru na grontapu.+ Den bedrigiman a o rutu puru.+

Futuwortu

Hebrewtongo: „bun mati.”