Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 18:1-24

18  Wan sma di no e moksi nanga trawan o prakseri en eigi lostu nomo.+ A o tegu gi koni.+  A sma di no abi frustan no e prisiri fu abi a koni fu man si sani krin,+ ma a e prisiri fu taki nomo san de na tapu en ati.+  Te wan ogri sma doro, dan wisiwasi doro tu+ èn syen+ nanga spotu e kon na en baka.  Den sani di wan sma e taki nanga en mofo na dipi watra.+ A presi pe koni e komoto, na wan peti pe furu watra e kuku kon na tapu.+  A no bun fu teki a sei fu wan ogri sma.+ A no bun sosrefi fu koti krutu gi wan reti-ati sma na wan kruka fasi.+  Wan sma di no abi frustan e sutu en mofo go na ini wan trobi.+ En eigi mofo e meki taki sma wani fon en.+  A mofo fu wan don sma e pori en libi.+ En eigi mofobuba de wan trapu gi en.+  Den tori di wan ogri-ati leiman e taki de leki sani di sma e swari fu di den gridi.+ Den sani dati e saka go te na wan sma inibere.+  A sma di lesi fu wroko,+ na a mati fu den wan di e pori trawan libi.+ 10  A nen fu Yehovah na wan bun kibripresi.*+ Den reti-ati sma e lon go na ini èn den e kisi kibri.+ 11  Den gudu fu wan guduman na wan tranga foto gi en.+ A e si den leki wan skotu di e gi en kibri.+ 12  Heimemre e kon fosi wan man fadon,+ ma sakafasi e kon fosi wan sma kisi glori.+ 13  Te wan sma e gi piki fosi a yere wan tori,+ dan dati na wan don sani fu du. A o kisi syen.+ 14  Wan sma di no e firi brokosaka esi man tyari a siki fu en,+ ma suma kan tyari den hebi fu wan sma di lasi-ati?+ 15  Sma di abi frustan e kon sabi moro fu wan tori+ èn koni sma e suku fu leri sani.+ 16  Te wan sma e gi trawan presenti, dan dati e gi en okasi fu kisi furu wini.+ A presenti o tyari en go na fesi tiriman srefi.+ 17  A fosi sma di e opo taki gi ensrefi te sma e koti krutu gi en o kisi leti.+ Ma dan wan trawan e kon na inisei èn a e bigin poti aksi gi en fu tyari kon na krin fa sani de trutru.+ 18  Te sma iti lòt, dan den kan lusu trobi srefi.+ A e koti trobi na mindri heihei man srefi.+ 19  A moro makriki fu teki wan foto abra, leki fu kowru na atibron fu wan mati.+ Yu abi trobi di de leki a bowtu di e sroto wan portu fu wan fortresi.+ 20  San wan man e taki nanga en mofo, de leki nyanyan di e furu en bere.+ A o firi den bakapisi fu san a taki.+ 21  A tongo abi a makti fu kiri sma, noso fu gi den libi.+ A sma di lobi fu taki o nyan den froktu fu dati.+ 22  Efu wan sma feni wan bun wefi,+ dan a feni wan bun sani+ èn Yehovah o feni en bun.+ 23  A sma di pôti e begi wan guduman fu yepi en,+ ma a guduman e piki en na wan grofu fasi.+ 24  Mati de di lobi broko makandra pisipisi,+ ma wan mati de tu di lobi yu moro leki wan brada.+

Futuwortu

Noso: „tranga toren.” Luku „toren” na „Moro sani”, nr. 24.