Go na content

Go na table of contents

Yehovah Kotoigi

Tongo Sranantongo

Odo 17:1-28

17  A moro betre fu nyan wan pisi drei brede na ini wan oso pe nowan trobi no de,+ leki fu nyan na ini wan oso pe sma e hori fesa,* ma pe trobi de.+  Wan futuboi di man si a dipi fu wan tori o basi a manpikin di e tyari ensrefi na wan syen fasi.+ A futuboi disi o kisi wan pisi tu fu a gudu di den brada fu a manpikin o kisi.+  A patu pe sma gwenti fu smèlter sani, na fu meki solfru kon soifri èn na onfu na fu meki gowtu kon soifri,+ ma Yehovah na a sma di e ondrosuku sma ati.+  Den wan di e du ogri e poti prakseri na sani di sma e taki fu hati trawan.+ Wan leiman e arki te sma e taki ogri fu trawan.+  A sma di e spotu den pôtiwan e pori a nen fu en Mekiman.+ A sma di breiti te ogri miti trawan o kisi strafu.+  Granpikin na wan kroon gi den man di owru kaba+ èn manpikin e prodo nanga a papa fu den.+  A no fiti sma sondro frustan fu taki sani di reti.+ Efu dati de so, dan a no fiti wan heihei man tu fu taki lei.+  A presenti na wan ston di warti furu gi a sma di abi en.+ Awinsi pe a e go, sani e waka bun gi en.+  Wan sma di e tapu sondu e suku lobi,+ ma a sma di e tan taki fu wan tori e pori bunbun mati.+ 10  Piri-ai abi moro krakti na tapu wan sma di abi frustan,+ leki fu naki wan don sma wán hondro leisi.+ 11  Wan takru-ati sma e opo ensrefi teige trawan nomonomo,+ ma a boskopuman di sma o seni go strafu en, no o abi sari-ati nanga en.+ 12  Moro betre wan man e tuka nanga wan beer di lasi den pikin fu en,+ leki fu tuka nanga wan sma di no abi frustan èn di e du dondon sani.+ 13  Ogri no o komoto gowe libi+ na oso fu sma di e pai ogri fu bun.+ 14  A bigin fu trobi de leki te wan sma e libi watra meki a lon.+ Sobun, fosi wan trobi bigin, gowe fu drape.+ 15  Yehovah e tegu+ gi den wan di e taki dati wan ogri sma e du san reti+ èn gi den wan di e taki dati wan reti-ati sma e du ogri.+ 16  Fu san ede wan don sma abi san de fanowdu fu kisi koni,+ aladi a no abi ati?+ 17  Wan trutru mati e sori lobi ala ten.+ En na wan brada di gebore fu te nowtu de.+ 18  Wan sma di no abi frustan* e seki anu+ nanga wan tra sma leti na fesi en mati èn a e tan borgu gi trawan.+ 19  Iniwan sma di lobi sondu, lobi meki trobi tu.+ Iniwan sma di e meki en doro hei, e suku problema.+ 20  A sma di e prakseri kruka sani no o feni bun+ èn a sma di e taki soso lei, ogri o miti en.+ 21  Na wan sari te wan sma e tron papa fu pikin di e du dondon sani.+ A papa fu wan pikin di no e waka nanga koni, no e prisiri.+ 22  Wan ati di e prisiri, bun leki dresi,+ ma te wan sma e sari, dan dati e meki en bonyo kon drei.+ 23  Na wan kibri fasi, wan ogri krutuman o teki tyuku fu trawan+ fu krutu sani na wan kruka fasi.+ 24  Koni de leti na fesi a sma di abi frustan,+ ma a don sma no man hori en prakseri na wán sani nomo.+ 25  Wan don manpikin e meki en papa kisi atibron+ èn a e meki en mama firi sari.+ 26  Boiti dati, a no bun fu meki wan reti-ati sma pai butu.+ A no bun fu naki heihei man.+ 27  Iniwan sma di no de gaw fu taki san a e denki, koni srefisrefi.+ Wan sma di abi a koni fu man si sani krin, no e bruya esi.+ 28  Srefi wan don sma di e tan pî, sma o si leki wan koni sma+ èn wan sma di e tapu en mofo, den o si leki wan sma di abi frustan.

Futuwortu

Hebrewtongo: „wan oso di furu nanga ofrandi.”
Luku a marki na Odo 6:32.