Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Odo 14:1-35

14  Na uma di koni trutru, e bow na osofamiri fu en,+ ma a don uma e broko en nanga en eigi anu.+  A sma di e tyari ensrefi na wan reti fasi e lespeki Yehovah,+ ma a sma di e du kruktudu e wisiwasi Gado.+  A heimemre fasi fa donman e taki, na wan wipi,+ ma a mofo fu koniman e kibri den.+  Pe kaw no de, a nyanyan-baki krin, ma a krakti fu wan mankaw e meki taki nyanyan de fu koti bogobogo.  Wan kotoigi di wi kan frutrow, na wan sma di no o lei,+ ma wan falsi kotoigi e fruteri soso lei.+  A spotuman pruberi fu feni koni, ma a no man feni en, ma gi wan sma di man frustan sani bun, a no tranga fu leri sani.+  No bumui nanga donman,+ bika den no o taki noti di kan yepi yu fu kon sabi sani.+  Koni e meki den koniwan frustan sortu pasi den teki,+ ma na a don fu den sma di no abi frustan, e meki taki den e kori densrefi.+  Sma di e feni taki na ogri fu den na noti, na don sma,+ ma den krin-ati sma e libi bun nanga trawan.+ 10  Na ati wawan sabi fa wan sma e sari+ èn tra sma no man firi a prisiri fu en. 11  Na oso fu ogri sma o kisi pori,+ ma sani o go heri bun na ini a tenti fu den sma di ati krin.+ 12  Wan pasi de di wan man e si leki a reti pasi,+ ma dede na a kaba fu a pasi dati.+ 13  Srefi te wan sma e lafu, en ati kan firi sari.+ Te fu kaba a no o prisiri moro.+ 14  Den lasi-ede sma o si den bakapisi fu a fasi fa den e libi,+ ma a fasi fa bun sma e tyari densrefi o meki taki den kisi blesi.+ 15  Wan sma sondro ondrofeni e bribi ala san sma e taki,+ ma a koniwan e luku bun pe a e poti en futu.+ 16  A koniwan abi lespeki gi Gado èn a e gowe libi a takru pasi,+ ma a sma sondro frustan e kisi bigi atibron èn a e frutrow tumusi tapu ensrefi.+ 17  A sma di ati e bron esi o du dondon sani,+ ma sma no lobi wan man di man denki krin.+ 18  Den wan sondro ondrofeni o kon de leki donman,+ ma den koniwan o weri sabi leki wan moi tai-ede.+ 19  Takru-ati sma o abi fu boigi gi den bun sma+ èn den ogri sma o abi fu boigi na den portu fu den reti-ati sma. 20  Sma no wani moksi nanga wan pôtiman,+ ma wan guduman lai mati.+ 21  A sma di e wisiwasi trawan e sondu,+ ma koloku fu a sma di lobi du bun gi den mofinawan.+ 22  Sma di e prakseri soso ogri, e lasi pasi, a no so?+ Ma bun-ati nanga frutrow na gi den wan di e pruberi fu du bun.+ 23  Ala tranga wroko e tyari wini kon,+ ma soso takitaki e meki sma tron pôtiman. 24  Gudu na a kroon fu den koniwan, ma fu di den sma di no abi frustan, don, meki den e tan na ini a don fu den.+ 25  Wan kotoigi di e taki san tru e kibri a libi+ fu trawan, ma wan kotoigi di e kori sma e taki soso lei.+ 26  Bigi lespeki gi Yehovah e meki taki wan sma kan frutrow tapu Gado ala ten+ èn den manpikin fu en o kisi kibri.+ 27  Bigi lespeki gi Yehovah na wan watra-olo di e gi libi.+ A e puru sma na ini den trapu di dede seti gi den.+ 28  Te wan pipel bigi, dan dati e gi wan kownu glori,+ ma te wan tiriman no abi furu sma di a e tiri, dan dati o meki a fadon.+ 29  A sma di ati no e bron esi, man si sani krin ala ten,+ ma a sma di no abi pasensi e sori taki a don.+ 30  Wan ati di no e bruya esi, bun gi a skin,+ ma dyarusu e pori sma bonyo.+ 31  A sma di e bedrigi den mofinawan e pori a nen fu en Mekiman,+ ma a sma di e du bun gi den pôtiwan e gi En glori.+ 32  Den takru sani di wan ogri sma e du o meki trawan pusu en trowe,+ ma a reti-ati sma o feni kibri na ini a retidu fu en.+ 33  Koni de na ini na ati fu a sma di abi frustan,+ ma den wan di no abi frustan e taki ala san den e prakseri. 34  Retidu e gi wan kondre glori,+ ma sondu na wan syen gi furu pipel.+ 35  Wan kownu e prisiri nanga wan futuboi di e du sani nanga koni,+ ma en ati e bron nanga a wan di e tyari ensrefi na wan syen fasi.+

Futuwortu