Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Numeri 13:1-33

13  Yehovah taigi Moses now:  „Seni wan tu man fu go luku a kondre Kanan di mi o gi den Israelsma.+ Yu musu seni wán man fu ibri lo. Ibriwan fu den musu de wan edeman.”+  Sobun, di den ben de na ini Paran-sabana,+ dan Moses seni den man go na a kondre, soleki fa Yehovah ben taki. Ala den man ben de edeman fu den Israelsma.  Disi na den nen fu den: Samuwa, a manpikin fu Sakur fu a lo fu Ruben;  Safat, a manpikin fu Hori fu a lo fu Simeon;  Kaleb,+ a manpikin fu Yefune fu a lo fu Yuda;  Yigal, a manpikin fu Yosef fu a lo fu Isaskar;  Hosea,+ a manpikin fu Nun fu a lo fu Efrayim;  Palti, a manpikin fu Rafu fu a lo fu Benyamin; 10  Gadiyel, a manpikin fu Sodi fu a lo fu Seibulon; 11  Gadi, a manpikin fu Susi fu a lo fu Manase+ di ben komoto fu Yosef;+ 12  Amiyel, a manpikin fu Gemali fu a lo fu Dan; 13  Seitur, a manpikin fu Mikael fu a lo fu Aser; 14  Nabi, a manpikin fu Wofsi fu a lo fu Naftali; 15  Guwel, a manpikin fu Maki fu a lo fu Gad. 16  Disi na den nen fu den man di Moses seni fu go luku a kondre. A manpikin fu Nun ben nen Hosea, ma Moses ben e kari en Yehosuwa.+ 17  Di Moses taigi den fu go luku a kondre Kanan na wan kibri fasi, dan a taki: „Go na Negeb-sabana,+ dan un kren go na a bergikontren.+ 18  Un musu luku fa a kondre de+ èn sortu sma e tan drape. Luku efu den tranga noso swaki, efu den furu noso efu den no furu, 19  èn efu a kondre bun noso efu a no bun. Luku fa den foto fu den de, efu den e tan na ini kampu noso efu den e tan na ini foto di abi bigi skotu. 20  Luku sosrefi efu a gron fatu noso efu a no e meki nyanyan,+ efu bon e gro drape noso efu bon no de. Un musu abi deki-ati+ èn un musu tyari wan tu froktu fu a kondre kon.” A ben de a ten di den droifi ben e kon lepi kaba.+ 21  Sobun, den go luku fa a kondre de. Den waka fu Sin-sabana+ te na Reihob+ di de na a lanki fu a presi Hamat.+ 22  Di den go na Negeb-sabana,+ dan den waka go doro na Hebron.+ Den Enaksma+ Ahiman, Sesai, nanga Talmai+ ben e tan drape. Sma ben bow Hebron+ seibi yari fosi a foto Sowan+ ben bow na Egepte. 23  Di den kon na Eskol-lagipresi,+ dan den koti wan bosu droifi.+ Tu man ben musu tyari en na wan tiki. Den ben tyari wan tu granaki-apra+ nanga figa tu. 24  Sma ben kari a presi dati Eskol-lagipresi,+ fu di den Israelsma ben koti wan bosu droifi drape. 25  Baka fotenti dei+ den man di go luku a kondre, drai kon baka. 26  Den waka kon na Moses, Aron, nanga ala den Israelsma di ben de na Kades+ na ini Paran-sabana. Den fruteri san den si èn den sori a pipel den froktu fu a kondre. 27  Den taigi Moses: „Wi go na a kondre pe yu ben seni wi go. A tru taki a lai merki nanga oni.+ Luku wan tu froktu fu a kondre.+ 28  Ma a de so tu taki den sma na ini a kondre tranga, den foto bigi,+ èn den skotu bigi tu. Wi ben si den Enaksma drape tu.+ 29  Den Amalèksma+ e tan na a kontren fu Negeb-sabana.+ Den Hètsma, den Yeibus-sma,+ nanga den Amorietsma+ e tan na a bergikontren. Den Kanansma+ e tan krosibei fu a se èn na a syoro fu Yordan-liba.” 30  Ma Kaleb+ ben pruberi fu meki a pipel tan tiri fu arki Moses. A taigi den: „Meki wi go wantewante na a kondre èn teki en abra, bika wi o wini den sma drape trutru.”+ 31  Ma den man di ben go nanga en, taki: „Wi no o man go feti nanga den sma, bika den tranga moro wi.”+ 32  Den tan fruteri den Israelsma soso ogri sani+ fu a kondre di den go luku. Den taki: „A kondre pe wi go, e swari den sma di e tan na ini. Ala den sma di wi si drape bigi srefisrefi.+ 33  Wi si den Enaksma+ di bigi leki den Neifilim. Wi ben firi so pikin leki sprenka na den sei èn na so den ben e si wi tu.”+

Futuwortu