Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Nehemia 4:1-23

4  Di Sanbalat+ yere taki wi ben e bow a skotu baka, dan a ati bron.+ A mandi srefisrefi. A ben e tan spotu den Dyu.+  Ne Sanbalat taki nanga den mati+ fu en èn nanga a legre fu Samaria. A taigi den: „Den Dyu disi no abi makti. Sobun, san den e du? Na denki den e denki taki den man du a bigi wroko disi den wawan? Den o man tyari ofrandi?+ Den o man kaba a wroko na ini wán dei nomo? Luku fa den ston bron èn fa den broko. Den denki taki den o man feni bun ston na mindri den broko ston+ disi fu bow a skotu baka?”  Ne Tobia,+ wan Amonsma+ di ben de nanga Sanbalat, taki: „Efu wan sabanadagu+ ben o dyompo go na tapu a stonskotu di den e bow, dan a skotu ben o broko fadon.”  Dan mi taki: „Ke mi Gado, arki wi,+ bika den e teki wi leki spotupopki.+ Meki den srefi ogri di den e winsi gi wi,+ miti den. Neleki fa sma e du nanga katiboman di den e tyari go na wan tra kondre èn nanga den gudu di den fufuru fu den katiboman, na so sma musu du nanga den man disi.  No tapu yu ai gi den ogri+ nanga den sondu di den e du. No frigiti den ogri di den du di den tanteri den bowman.”  Baka dati wi bow go doro, teleki wi tapu ala den olo na ini a skotu. Ma wi no ben kaba ete, fu di a skotu ben musu kon de tu tron so hei leki san wi ben bow kaba. Dati meki den bowman tan wroko fayafaya.+  Ne Sanbalat,+ Tobia,+ den Arabiri,+ den Amonsma,+ nanga den Asdodsma+ ati bron srefisrefi di den yere taki wan moi pisi fu a skotu fu Yerusalem ben bow kaba èn taki wi ben e tapu den olo fu a skotu.  Dan den alamala span anu makandra+ fu kon feti nanga den sma fu Yerusalem èn fu bruya wi.  Ma wi tan begi+ wi Gado fu yepi wi èn dei nanga neti wi poti waktiman fu luku efu feanti e kon. 10  Ne den sma fu Yuda taki: „Den sma di musu syow lai+ no abi krakti moro èn wan lo broko ston+ de fu syow ete. Wisrefi no man klari a skotu.” 11  Boiti dati, den feanti fu wi ben e taki doronomo: „Den no o sabi+ taki wi e kon èn den no o si wi, teleki wi de leti na den fesi. Kon meki wi kiri den, dan a wroko o tapu.” 12  Dati meki den Dyu di ben e tan dorosei fu Yerusalem, ben e warskow wi ibri tron te den ben kon na ini a foto. Tin tron srefi den taigi wi: „Fu ala sei, feanti o kon feti nanga unu.” 13  Fu dati ede mi poti waktiman baka a skotu na den presi di ben lagi èn di ben opo. Ibri famiri ben e hori wakti na wan tra pisi fu a skotu. Den ben e tanapu nanga feti-owru,+ lansri+ èn nanga bo. 14  Di mi si taki a pipel ben e frede, dan wantewante mi taigi den edeman,+ den ondro-granman,+ nanga den tra sma: „No frede+ den feanti. No frigiti taki Yehovah na wan Gado di bigi srefisrefi+ èn taki sma abi bigi lespeki+ gi en. Feti gi un brada,+ un manpikin, un umapikin, un wefi, nanga un oso.” 15  Te fu kaba wi alamala go baka na a skotu fu du a wroko fu wi, fu di den feanti fu wi ben kon yere taki wi sabi san den ben wani du èn taki a tru Gado ben gens den, so taki den no ben man du san den ben abi na prakseri.+ 16  Iya, sensi a dei dati, afu fu den yonkuman di ben e wroko gi mi,+ go du a wroko fu den èn afu fu den ben e tanapu nanga fetisani. Den ben abi den lansri, den skelt, nanga den bo fu den èn den ben e weri isri empi.+ Na a srefi ten, den edeman+ ben e tanapu na baka a skotu e yepi den sma fu Yuda. 17  Ibriwan fu den man di ben e bow a skotu èn den wan di ben e syow lai, ben e wroko nanga a wan anu èn nanga a tra anu+ den ben e hori wan lansri.+ 18  Di den ben e bow,+ ibriwan fu den wrokoman ben abi en feti-owru na en seibere.+ Boiti dati, a man di ben musu bro a tutu+ ben de na mi sei. 19  Dan mi taigi den edeman, den ondro-granman,+ nanga den tra sma: „Furu wroko de fu du ete na a skotu èn wi e wroko farawe fu makandra. 20  Na a presi pe unu e yere a tutu e bari, na drape un musu kon miti wi. Na wi Gado srefi o feti gi wi.”+ 21  Fu mamanten teleki netiyuru wi ben e wroko. Disiten afu fu den man ben e tanapu nanga lansri. 22  Boiti dati, mi taigi a pipel tu: „Meki den man tan dyaso te neti. Ibriwan man musu tan na ini Yerusalem,+ makandra nanga a futuboi fu en. Meki den hori wakti gi wi na neti èn meki den wroko na deiten.” 23  Disiten mi,+ den brada+ fu mi, den futuboi+ fu mi, nanga den waktiman+ di ben e horibaka gi mi, no ben kenki krosi. Ibriwan fu wi ben e hori en lansri+ na ini en reti-anu.

Futuwortu