Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Nehemia 1:1-11

1  Disi na san Nehemia,+ a manpikin fu Hakalia, taki: A ben de a mun Kislef.+ A kownu di ben e tiri na a ten dati ben e tiri tutenti+ yari kaba. Mi ben de na a foto Susan,+ na a fortresi pe a kownu disi ben e libi.  Na a ten dati, Hanani,+ wan fu den brada fu mi, kon na mi, makandra nanga wan tu tra man fu Yuda. Ne mi aksi+ den fa a e go nanga den Dyu+ di ben komoto na ini katibo,+ den wan di drai go baka na a kondre fu den.+ Mi aksi den tu fa sani e go na Yerusalem.  Den piki mi: „A no e go bun kwetikweti nanga den Dyu+ di tan abra fu den wan di komoto na ini katibo èn di e libi na ini a kontren fu Yuda.+ Den pipel lontu den e teki den leki spotupopki.+ Sma broko den skotu+ fu Yerusalem èn den bron den portu+ fu a foto.”  Di mi yere san den man disi taki, mi saka sidon, dan mi bari krei. Wan tu dei langa mi ben e sari. A heri pisi ten dati mi no ben e nyan*+ èn mi ben e begi a Gado fu hemel.+  Mi taki: „Ke Yehovah, Gado fu hemel. Yu na wan Gado di bigi srefisrefi èn di e meki sma kisi bigi lespeki gi yu.+ Yu e hori a frubontu+ di yu meki nanga den wan di lobi yu+ èn di e hori den komando fu yu.+ Yu e sori den sma disi bun-ati.  Sobun, opo yu ai èn poti yesi arki+ a begi fu mi, yu futuboi+ di e begi yu tide. Dei nanga neti+ mi begi gi den futuboi fu yu, den Israelsma. Mi fruteri+ ala sondu+ di den Israelsma du na yu fesi, bika wi alamala sondu, iya, mi nanga den famiri fu mi papa.+  A de krin taki wi gi yu syen,+ fu di wi du soso ogri. Wi no gi yesi na den komando,+ den markitiki,+ nanga den wèt+ di yu ben gi yu futuboi Moses.+  Mi e begi yu, memre+ den sani di yu ben taigi yu futuboi Moses. Yusrefi ben taigi en: ’Efu unu trangayesi den wèt fu mi, dan mi o panya unu na mindri den tra pipel.+  A no abi trobi efu unu panya go na den moro farawe presi fu grontapu. Ma efu unu drai kon baka na mi+ èn unu gi yesi na den komando fu mi,+ sobun, un du san mi taki,+ dan mi o tyari unu kon na wán baka.+ Mi o tyari unu+ go na a presi di mi teki fu tyari mi nen.’+ 10  Den na yu futuboi,+ iya, yu pipel+ di yu ben frulusu nanga a bigi krakti+ fu yu èn nanga yu tranga anu.+ 11  Ke Yehovah, poti yesi arki a begi fu mi nanga den tra futuboi fu yu+ di e lespeki yu nen+ nanga den heri ati. Tangitangi, meki sani waka bun nanga a futuboi fu yu tide+ èn meki Kownu sari mi.”+ Na a ten dati mi ben abi a wroko fu kanti win+ gi Kownu.

Futuwortu

Noso: „mi ben e faste.” Luku „faste” na „Moro sani”, nr. 24.