Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Nahum 3:1-19

3  Helu fu a foto di e kiri sma!+ A foto lai soso bedrigiman nanga fufuruman. Den sma fu a foto no e tapu fu fufuru sani.  Drape yu kan yere fa sma e wipi den asi.+ Yu kan yere fa asi e lon, èn fa den asiwagi e rèi èn e dyompo na tapu den strati.+  Srudati na tapu asi de drape nanga den feti-owru di e brenki èn nanga den peiri di e koti faya.+ Den kiri bun furu sma. Wan lo dede sma de fu si. Dedeskin de na ala sei. Sma e stotu den futu, fu di den dedeskin de na pasi.  Ala den sani disi o pasa nanga a foto, fu di a de leki wan huru-uma di e du soso hurudu.+ A e hari sma fu di a moi. A sabi bonu. Nanga hurudu èn nanga bonu a e kori den pipel.+  „Mi o strafu yu,”+ na so Yehovah di e tiri den legre taki. „Mi o opo yu koto kon te na yu fesi, dan den pipel o si yu nanga sososkin+ èn den kownukondre o si yu syenpresi.  Mi o trowe fisti sani na yu tapu+ èn mi o meki yu tron wan tegu sani. Dan mi o meki sma spotu yu.+  Ala sma di o si yu, o lon gowe fu yu.+ Den o taki: ’Sma fufuru sani fu Ninefei nanga tranga! Suma o firi sari gi en?’ Pe mi o feni sma fu trowstu yu?  Yu denki taki yu bun moro a foto No-Amon+ di ben de na den kriki fu Nijl-liba?+ Furu watra ben lontu en. A se ben de a gudu fu en. A se ben de leki wan skotu gi en.  Nanga ala en krakti, Etiopia ben e horibaka gi en. Sosrefi Egepte+ ben du ala sani gi en. Den sma fu Put nanga Libia ben e yepi en tu.+ 10  Ma en srefi ben musu go na ini katibo èn na dati pasa tu.+ Na wan ogri-ati fasi sma o kiri den pikin fu den na den uku fu ala den strati.+ Sma iti lòt fu teki den heihei man fu en leki srafu,+ èn den bui ala den prenspari man fu en.+ 11  Yusrefi o kon drungu.+ Yu o tron wan sani di sma no man si moro.+ Yu o go suku wan presi fu kibri gi den feanti fu yu.+ 12  Den foto fu yu di abi bigi skotu de leki figabon di kisi den fosi lepi froktu. Wan sma abi fu seki den nomo, dan den figa e fadon na ini en mofo.+ 13  A pipel fu yu de leki umasma.+ Den portu fu yu foto o opo gi den feanti fu yu. Faya o bron den bowtu fu den portu fu yu.+ 14  Go kisi watra, so taki yu kan abi watra te den o lontu yu.+ Meki den foto fu yu di abi bigi skotu kon moro tranga.+ Go na ini a tokotoko, trapu na tapu klèidoti èn meki ston. 15  Awinsi yu du disi, toku faya o bron yu. Sma o kiri yu nanga feti-owru.+ Den o nyan yu neleki fa sprenka e nyan den wiwiri fu bon.+ Dati meki yu musu meki yusrefi kon de so furu leki den sprenka sondro frei. Iya, yu musu kon de so furu leki sprenka. 16  Yu meki den bisnisman fu yu kon furu moro den stari na hemel.+ Te den sprenka no abi frei ete, dan den e puru den buba, èn den e frei gowe. 17  Den waktiman fu yu de leki sprenka. Den ofsiri di e teki moro srudati, de leki wan bigi grupu sprenka. Te a de wan kowru dei, den e kibri na ini den ston-olo. Ma na skèin a son abi fu skèin nomo, dan den e frei gowe. Nowan sma sabi a presi pe den de.+ 18  Ai, kownu fu Asiria, den skapuman fu yu e dyonko.+ Den heihei man fu yu e tan na ini den oso fu den.+ Yu pipel lowe go na ala sei fu den bergi èn nowan sma de fu tyari den kon makandra.+ 19  Noti o man tapu a rampu di o kon na yu tapu. A mankeri di yu kisi no man dresi.+ Ala den sma di yere fu yu o naki anu gi yu,+ bika yu ben du ogri nanga den alamala.”+

Futuwortu