Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Mika 6:1-16

6  Un pipel, arki san Yehovah e taki.+ Sreka unsrefi gi a krutu-afersi na fesi den bergi, èn meki den pikin bergi yere san unu abi fu taki.+  Meki den bergi, den bigi ston, nanga den fondamenti fu grontapu arki a krutu-afersi fu Yehovah.+ Bika Yehovah tyari en pipel na fesi krutu. A o taki sortu ogri den Israelsma du.+ A taki:  „Ke, mi pipel,+ san mi du nanga unu? San mi du taki unu kon weri so?+ Un taigi mi sortu ogri mi du.+  Mi frulusu unu èn mi tyari unu komoto na ini a kondre Egepte+ pe unu ben de srafu.+ Mi seni Moses, Aron, nanga Meriam fu tiri unu.+  Grantangi mi pipel, memre+ san Kownu Balak fu Moab ben wani du nanga unu,+ èn san Bileam, a manpikin fu Beor, taigi en.+ Memre san pasa di unu ben e waka fu Sitim+ go te na Gilgal.+ Memre sortu bun sani Yehovah ben du gi unu.”+  San mi musu tyari te mi o kon na fesi Yehovah?+ San mi musu tyari te mi o boigi gi Gado di de na hemel?+ Mi o tyari heri bron-ofrandi gi en,+ noso pikin kaw fu wán yari?  Yehovah o prisiri efu mi tyari dusundusun manskapu gi en, noso efu mi tyari so furu oli taki a kan furu dusundusun liba?+ Mi musu gi en mi fosi manpikin, fu di mi opo misrefi teige Gado? Mi musu gi en mi eigi pikin, fu di mi sondu?+  Un libisma, Yehovah taigi unu san bun.+ Ma san a e aksi fu unu? A e aksi nomo taki unu du san reti,+ taki unu lobi fu du bun,+ èn taki unu abi sakafasi+ aladi unu e waka nanga un Gado.+  Yehovah e kari den sma fu a foto.+ Den koni sma o lespeki yu nen.+ Un pipel, yere fa a fonfon-tiki e naki èn arki a sma di e gebroiki en fu strafu unu.+ 10  Te now ete den ogri sma e du wan lo ogri fu poti moro gudu na ini den oso.+ Te now ete den e marki sani nanga baki di pikin tumusi èn di no bun srefisrefi. 11  Ma unu denki taki mi kan de nanga wan krin ati te mi e gebroiki wegi nanga wegiston fu bedrigi trawan?+ 12  Den guduman na ini a foto e du wan lo ogri. Den sma fu a foto e lei+ èn den e taki sani fu kori trawan.+ 13  Ma now misrefi o naki unu nanga takru siki.+ Unu o kisi pori, fu di unu du sondu.+ 14  Unu o nyan, ma a no o sari unu. Soso angri o de na ini a kondre.+ Unu o teki sani tyari gowe, ma unu no o man hori den gi unsrefi, bika feanti o kon feti nanga unu èn den o teki den sani fu unu.+ 15  Unu o sai siri, ma unu no o koti nyanyan. Unu o masi olèif, ma unu no o lobi na oli fu den na un skin. Unu o masi droifi, ma unu no o dringi switi win.+ 16  Unu e hori den wèt fu Omri,+ unu e du den sani di den sma fu Akab e du,+ èn unu e teki den rai fu den.+ Fu dati ede mi o strafu unu. Sma o fruwondru fu den sani di mi o du nanga unu. Sma o froiti te den e spotu unu di e tan na ini a foto,+ èn tra pipel o wisiwasi unu.”+

Futuwortu