Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Mika 4:1-13

4  Na ini den lasti dei+ a bergi+ fu na oso+ fu Yehovah o tanapu steifi. A o hei pasa den ede fu den bergi èn a o hei moro den pikin bergi.+ Na drape den pipel musu go.+  Iya, furu pipel o go drape èn den o taki: „Kon+ meki wi go na a bergi fu Yehovah èn na a oso fu a Gado fu Yakob.+ A o leri wi san na den pasi fu en,+ èn wi o waka den pasi dati.”+ Bika a wèt o komoto fu Sion, èn Yehovah o taki komoto fu Yerusalem.+  A o koti krutu gi furu pipel+ èn a o seti sani kon reti+ gi tranga pipel di de farawe.+ Den o abi fu naki den feti-owru kon tron plugu èn den lansri kon tron grasinefi.+ Nowan pipel o teki feti-owru fu go feti nanga wan tra pipel èn den no o leri fu feti moro.+  Ibriwan sma o sidon na ondro en eigi droifibon nanga en eigi figabon.+ Nowan sma o meki den frede,+ bika na Yehovah srefi, iya, na a Gado di e tiri den legre taki so.+  Bika ibri pipel o tyari a nen fu en gado,+ èn den o du san a gado fu den wani. Ma fu ala ten wi o tyari a nen fu Yehovah wi Gado+ èn wi o du san a wani. Iya, fu têgo wi o du dati.+  „Na a ten dati”, na so Yehovah taki, „mi o tyari a pipel di ben malengri,+ kon na wán. Mi o tyari den wan di ben panya na ala sei, kon makandra.+ Srefi den wan di mi ben strafu, mi o tyari kon makandra.  Mi o meki wan tu sma tan abra fu a pipel di ben malengri.+ Mi o meki a pipel di sma ben tyari go farawe, tron wan tranga pipel.+ Yehovah o tiri den leki kownu na tapu Sion-bergi now èn fu ala ten.+  Ai, toren fu na ipi skapu, ai, bergi fu a foto Sion,+ na yu o kisi tirimakti.+ Iya, na a foto fu Yerusalem o tiri a kownukondre neleki fositen.+  Fu san ede yu e tan bari nomo?+ Yu no abi wan kownu? Na a raiman fu yu dede? Na fu dati ede yu abi pen neleki wan uma di de fu meki wan pikin?+ 10  Un pipel fu Sion, unu o de na ini banawtu neleki wan uma di abi hebi pen te a e meki wan pikin.+ Unu o komoto na ini wan foto èn unu o abi fu tan dorosei fu a foto.+ Unu o abi fu kon te na Babilon.+ Na drape unu o kisi frulusu.+ Na drape Yehovah o bai unu baka fu den feanti fu unu.+ 11  Dan furu pipel o kon makandra fu feti nanga unu. Den o taki: ’Meki Sion kisi pori, dan wi o luku san o pasa nanga en.’+ 12  Ma den no kon sabi san Yehovah abi na prakseri èn den no kon sabi a rai fu en.+ A o tyari den kon na wán leki aleisi di sma koti didyonsro fu tyari go na a presi pe den e masi aleisi.+ 13  Un sma fu a foto Sion, un opo go masi den tra pipel neleki fa sma e masi aleisi.+ Bika mi o meki den tutu fu unu kon tron isri tutu èn den futu fu unu kon tron kopro futu. Dan unu o masi furu pipel.+ Den ben bedrigi trawan fu kisi furu sani, ma un musu teki den sani dati, dan un poti den aparti fu gi dati na Yehovah.+ Un musu gi a tru Masra fu heri grontapu ala den gudu fu den.”+

Futuwortu