Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Mateyus 8:1-34

8  Baka di a saka kon fu a bergi, furu sma ben e waka na en baka.  Ne wan gwasiman+ kon na en, a boigi gi en èn a taki: „Masra, efu yu wani nomo, yu kan meki mi kon krin.”  Dati meki Yesus langa en anu fasi a man èn a taki: „Mi wani. Kon krin.”+ Wantewante a gwasi komopo na a man en skin èn a kon krin.+  Baka dati Yesus taigi en: „Sorgu taki yu no fruteri nowan sma.+ Ma go meki a priester luku yu,+ dan yu musu tyari wan ofrandi+ soleki fa a wèt di Gado ben gi Moses taki. Dati musu de wan buweisi gi den.”  Di Yesus go na Kaperna-um,+ dan wan legre-ofsiri kon na en èn a begi en:  „Masra, mi futuboi e didon na oso, fu di a lan èn a e pina hebi.”  Yesus taigi en: „Te mi kon drape, mi o meki a kon betre.”  A legre-ofsiri piki en: „Masra, mi no warti fu yu kon na ini mi oso. Ma taki wán sani nomo, dan mi futuboi o kon betre.  Misrefi na wan sma di musu saka ensrefi na ondro trawan èn mi abi srudati di musu saka densrefi na mi ondro tu. Efu mi taigi a wan: ’Go!’,+ dan a e go. Efu mi taigi a trawan: ’Kon!’, dan a e kon. Efu mi taigi mi srafu: ’Du so!’, dan a e du en.” 10  Di Yesus yere disi, dan a fruwondru èn a taigi den sma di ben e waka na en baka: „Na tru sani mi e taigi unu: Mi no feni nowan sma na ini Israel di abi so wan tranga bribi.+ 11  Mi e taigi unu taki furu sma o kon fu owstusei èn fu west-sei+ èn den o sidon na tafra nanga Abraham, Isak, nanga Yakob na ini a Kownukondre+ fu hemel.+ 12  Ma Gado o trowe den sma di ben o kisi a kownukondre,+ go na dorosei na ini a dungru. Drape den o krei èn den o kaw tifi.”+ 13  Baka dati Yesus taigi a legre-ofsiri: „Go. Meki a pasa soleki fa yu e bribi.”+ Wantewante a futuboi kon betre. 14  Di Yesus kon na Petrus oso, a si taki a mama fu Petrus en wefi+ ben e didon na bedi nanga hebi korsu.+ 15  Dati meki Yesus fasi na anu+ fu na uma èn a korsu saka. Dan na uma opo èn a go sreka nyanyan gi Yesus.+ 16  Di neti fadon, den tyari furu sma di ben abi ogri yeye na den tapu, kon na Yesus. Wán sani nomo a taki, dan den yeye ben gowe libi den sma. A ben meki ala siki sma kon betre. 17  Na so fasi den sani kon tru di a profeiti Yesaya taki. A ben taki: „Ensrefi teki den pina fu wi na en tapu èn a tyari den siki fu wi.”+ 18  Di Yesus si someni sma e tanapu lontu en, a taigi den disipel fu teki wan boto fu go na abrasei.+ 19  Wan leriman fu Wèt kon na en èn a taigi en: „Leriman, mi sa waka na yu baka awansi pe yu e go.”+ 20  Ma Yesus taigi en: „Krabudagu abi olo pe den e tan èn den fowru di e frei na loktu abi nesi, ma a Manpikin fu libisma no abi nowan presi fu sribi.”+ 21  Baka dati wan tra disipel taigi en: „Masra, gi mi na okasi fosi fu go beri mi papa.” 22  Yesus taigi en: „Tan waka na mi baka èn meki den dedewan beri den dedewan fu den.”+ 23  Di a go na ini wan boto,+ den disipel fu en kon na en baka. 24  Ma bakaten a se kon krasi srefisrefi. Den skwala ben de so hei taki a watra ben e kon na ini a boto. Disiten Yesus ben e sribi.+ 25  Ne den go wiki+ en èn den taki: „Masra, yepi wi, wi o sungu!” 26  Ma a taigi den: „Fu san ede unu e frede so? Na bribi unu no abi?”+ Dan a opo, a bari a winti nanga a se èn ala sani kon tiri.+ 27  Dati meki den sma fruwondru èn den taki: „Suma na a sma disi?+ Srefi a winti nanga a se e du san a e taki.” 28  Di a doro abrasei na ini a kontren fu den Gadarasma,+ dan tu man di ben abi ogri yeye na den tapu,+ komoto na mindri den grebi èn den waka kon miti en. Den ben e rigeri so kefalek, taki nowan sma ben abi a deki-ati fu waka na a pasi drape. 29  Ne den bari: „Wi no abi noti fu du nanga yu, Manpikin fu Gado.+ Yu kon dya fu pina wi+ fosi wi ten doro?”+ 30  Bun fara fu den, wan lo agu ben waka e suku nyanyan. 31  Ne den ogri yeye begi en taki: „Efu yu yagi wi gowe, dan seni wi go na ini den agu.”+ 32  Dati meki a taigi den: „Un go!” Ne den ogri yeye komoto na den man tapu èn den go na ini den agu. Dan ala den agu lon pasa a lanki fu a bergi go na ini a se èn den dede na watra.+ 33  Ma den sma di ben e sorgu den agu, lon gowe. Di den go na ini a foto, den fruteri trawan ala den sani disi, sosrefi a tori fu den man di ben abi ogri yeye na den tapu. 34  Ne a heri foto waka kon miti Yesus. Di den si en, den begi en fu gowe libi a kontren fu den.+

Futuwortu