Go na content

Go na a tra menu

Go na table of contents

Yehovah Kotoigi

Sranantongo

Bijbel tapu Internet | BIJBEL—NYUN-GRONTAPUVERTALING

Mateyus 12:1-50

12  Na a ten dati, Yesus ben waka pasa na ini den aleisigron na Sabat-dei.+ Di angri ben kiri den disipel fu en, den broko a nyanyan fu a gron èn den bigin nyan.+  Di den Fariseiman si dati, den taigi en:+ „Luku! Den disipel fu yu e du wan sani di den no musu du na Sabat-dei.”+  A taigi den: „Unu no leisi san David du di angri ben kiri en nanga den man fu en?+  Unu no leisi taki David go na ini na oso fu Gado èn den nyan den brede di ben poti na fesi Gado leki wan ofrandi?+ Ma en nanga den sma di ben de nanga en no ben musu nyan den brede.+ Soso den priester ben kan du dati.+  Unu no leisi na ini a Wèt+ taki na Sabat-dei den priester na ini a tempel ben e wroko, ma toku dati no ben de wan ogri sani?+  Mi e taigi unu taki wan sma de dyaso di bigi moro a tempel.+  Unu no e frustan den wortu disi: ’Mi wani sari-ati,+ mi no wani srakti-ofrandi.’+ Efu unu ben frustan dati, dan unu no ben o krutu den sma di no du ogri.  Bika a Manpikin fu libisma+ na Masra fu Sabat.”+  Baka di a gowe fu drape, a go na ini a snoga fu den. 10  Drape wan sma ben de di ben abi wan malengri anu.+ Fu dati ede sma aksi Yesus: „Sma kan meki trawan kon betre na Sabat-dei?” Den ben aksi en disi fu feni wan sani na en tapu.+ 11  A taigi den: „Efu unu abi wán skapu nomo èn a skapu e fadon na ini wan peti+ na Sabat-dei, dan suma fu unu no o grabu a skapu hori èn puru en na ini a peti?+ 12  We, wan libisma warti moro wan skapu!+ Dati meki sma kan du bun na Sabat-dei.” 13  Ne a taigi a man: „Langa yu anu.” A man langa en anu èn na anu ben kon betre neleki a trawan.+ 14  Den Fariseiman go na dorosei fu taki nanga makandra fa den ben kan feni wan fasi fu kiri en.+ 15  Di Yesus kon sabi disi, a gowe fu drape. Furu sma ben waka na en baka tu èn a ben meki den alamala kon betre.+ 16  Ma a ben taigi den krin taki den no ben musu meki sma kon sabi suma na en,+ 17  so taki den sani di a profeiti Yesaya taki ben kan kon tru. A profeiti ben taki: 18  „Luku mi futuboi!+ Na en mi teki, en na mi lobiwan+ èn na en mi feni bun! Mi o poti mi yeye na en tapu+ èn a o sori den pipel san na retidu. 19  A no o haritaki,+ a no o bari tranga èn nowan sma o yere en sten na den bigi strati. 20  A no o masi wan warimbo di broko èn a no o kiri wan faya di e suku fu dede.+ A o tyari ensrefi na a fasi disi teleki a poti ala sani kon reti+ baka. 21  Iya, na tapu en nen den pipel o howpu.”+ 22  Baka dati den tyari wan man kon na en di ben abi wan ogri yeye na en tapu. A man disi ben breni èn babaw. Yesus ben meki a babaw man kon betre, so taki a ben kan taki èn a ben kan si. 23  We, ala den sma di ben de drape fruwondru trutru èn den taki:+ „A man disi a no a Manpikin fu David?”+ 24  Di den Fariseiman yere disi, den taki: „A man disi e yagi ogri yeye puru na sma tapu soso nanga yepi fu Beyelsebub, a tiriman fu den ogri yeye.”+ 25  Fu di Yesus ben sabi san den ben prakseri,+ meki a taigi den: „Ibri kownukondre di prati o fadon+ èn nowan foto noso osofamiri di prati o tan. 26  Sosrefi, efu Satan e yagi Satan puru, dan ensrefi prati tu. We dan fa a kownukondre fu en o man tan? 27  Boiti dati, efu mi e yagi ogri yeye puru na sma tapu nanga yepi fu Beyelsebub,+ dan nanga suma den bakaman fu unu e yagi ogri yeye puru na sma tapu? Dati meki den bakaman fu unu o krutu unu. 28  Ma efu mi e yagi ogri yeye puru na sma tapu nanga Gado en yeye, dan fu tru a Kownukondre fu Gado kon na unu sondro taki unu fruwakti disi.+ 29  Fa wan sma kan broko go na ini na oso fu wan tranga man èn fufuru den gudu fu a man, efu a no tai a tranga man fosi? Baka te a du dati, dan a kan fufuru ala sani na ini na oso fu a man.+ 30  A sma di no de na mi sei, de teige mi. A sma di no e tyari sani kon na wán makandra nanga mi, e tyari bruya kon.+ 31  Dati meki mi e taigi unu, sma o kisi pardon fu ibri sondu di den du èn fu ibri ogri-ati sani di den e taki. Ma te den e taki ogri fu a yeye, den no o kisi pardon fu disi.+ 32  Fu eksempre, efu wan sma e taki ogri fu a Manpikin fu libisma, a o kisi pardon fu disi.+ Ma efu wan sma e taki ogri fu a santa yeye, a no o kisi pardon fu disi. Nôno, a no o kisi pardon na ini a grontapu disi èn na ini a grontapu di e kon.+ 33  Efu unu de leki wan bun bon, dan den froktu fu unu sa bun tu, èn efu unu de leki wan siki bon, dan den froktu fu unu no sa bun. Na den froktu fu wan bon e sori sortu bon a de.+ 34  Un snekipikin,+ fa unu kan taki bun sani, te unu ogri?+ Bika san furu na ati, na dati mofo e taki.+ 35  Wan bun sma e taki bun sani, fu di en ati bun.+ Ma wan ogri sma e taki ogri sani, fu di en ati ogri.+ 36  Mi e taigi unu taki efu sma e taki dondon sani, dan den sa musu gi frantwortu+ fu dati na a Krutudei. 37  Bika na den sani di yu e taki, sa meki taki Gado si yu leki wan reti-ati sma noso taki a e krutu yu.”+ 38  Ne sonwan fu den Fariseiman nanga den leriman fu Wèt piki en: „Leriman, wi wani si wan spesrutu marki fu yu.”+ 39  Yesus piki den baka: „Na den ogri sma di drai baka gi Gado+ e tan suku wan marki, ma mi no o gi den wan marki boiti a marki fu a profeiti Yona.+ 40  Bika neleki fa Yona+ tan dri dei nanga dri neti na ini a bere fu a bigi fisi, na so a Manpikin fu libisma+ o tan na ini en grebi+ dri dei nanga dri neti.+ 41  Den sma fu Ninefei o opo baka na a Krutudei, makandra nanga den sma fu a ten disi+ èn den o krutu+ den sma fu a ten disi. Bika di den yere san Yona+ preiki, den ben abi berow. Ma wan sma di bigi moro Yona de dyaso. 42  Na umakownu fu zuidsei+ o opo baka na ini a ten fu a krutu, makandra nanga den sma fu a ten disi. A o krutu den, bika a komopo te na den moro farawe presi fu grontapu fu yere a koni fu Salomo. Ma wan sma di bigi moro Salomo de dya.+ 43  Te wan ogri yeye komopo na wan sma tapu, dan a e waka lontu na ini den sabana fu suku wan presi fu rostu, ma a no e feni noti.+ 44  Dan a e taki: ’Mi o drai go baka na a oso pe mi ben froisi gowe’. Te a doro drape, dan a e si taki nowan sma de na ini na oso, ma na oso sibi krin èn a kon moi. 45  Dan na ogri yeye e gowe èn a e tyari ete seibi yeye kon nanga en di ogri moro en,+ èn baka te den go na inisei, den e tan libi drape. Dan a fasi fa a sma de now, kon moro ogri leki fa a ben de fosi.+ Na so a o de tu nanga den ogri sma fu a ten disi.”+ 46  Yesus ben e taki ete nanga den sma, di en mama nanga den brada fu en+ ben tanapu na dorosei e suku wan okasi fu taki nanga en. 47  Dati meki wan sma taigi en: „Yu mama nanga den brada fu yu e tanapu na dorosei èn den e suku wan okasi fu taki nanga yu.” 48  Yesus piki a sma: „Suma na mi mama èn suma na den brada fu mi?”+ 49  Ne a langa en anu sori go na den disipel fu en èn a taki: „Luku mi mama nanga den brada fu mi dya!+ 50  Bika na den sma di e du a wani fu mi Tata di de na hemel, na mi brada, mi sisa, nanga mi mama.”

Futuwortu